مهاجر لر بیلن علاقه لی یونان توغریسیده مهم بیر ادعا

یونان حکومتی نینگ, اوروپا گه اوتماقچی بولگن مهاجر لر نی خلق ارا حقوققه ضد بیر شکلده جوده یمان شرایط ده گی بیر یاشیرینچ جای گه آلیب باریب تشلب کیین ایسه تورکیه گه قیتریب یوبارگن لیگی ادعا ایتیلدی. 

نیویورک تایمز ده اورین آلگن "یونان نینگ مهاجر لر اوچون اجره تیلگن یاشیرینچ جایی: حیوان لر دیک میز" عنوانی ده گی خبرده, یونان ده موجود بولگن حقوققه ضد مرکز لر نینگ موجود ایکن لیگی بیلدیریلدی. 

مهاجر لر بیلن بولگن مصاحبه لر گه هم اورین اجره تیلگن خبرده, یونان نینگ مهاجر لر نی اوشلب آلیب اوستی ده گی کییم لری داخل همه نرسه لری نی آلگن لیگی, کلتکله گن لیگی و هیچ قنده ی بیر حقوقی پروسه نی مطرح قیلمسدن تورکیه گه قیتریب یوبارگن لیگی معلوم قیلیندی. 

خبرده, نیویورک تایمز راپور لر و ستلایت تصویر لری گه کوره یونان نینگ شمالشرقیده بونده ی یاشیرینچ بیر مرکز نینگ موجود ایکن لیگی نینگ تصدیق لنگن لیگی بیلدیریلدی. 

سویس تحقیقات گروپی دن عبارت ریسپوند تامانیدن هم اوشبو مرکز نینگ موجودیتی نینگ تائید ایتیلگن لیگی بیلدیریلگن خبرده, عینی دمده یونان خوفسیزلیک کوچ لری نینگ اژه دینگیزده قایق لر بیلن کیلگن عیال لر و باله لر گه قرشی زورانلیک قیلگن لیگی معلوم قیلیندی. 

نیویورک تایمز, یونان حکومتی نینگ 'یلغان خبر' دیب رد ایتگن, 22 یاشلی محمد نینگ چیگره ده یونان خوفسیزلیک کوچ لری نینگ اوق اوزیشی عاقبتیده هلاک بولگن لیگی نینگ هم حادثه محللی دن آلینگن تصویر لر و عدلی تحقیقات لر نتیجه سیده تائید ایتیلگن لیگی نی بیلدیردی.