جمهوررئیس اردوغان مهاجر لر بیلن علاقه لی بیانات بیردی

تورکیه جمهوریتی جمهوررئیسی رجب طیب اردوغان, رسمی بیر سفر بیلن تورکیه گه تشریف بویورگن بلغاریا باش وزیری بویکو بوریسوف بیلن انقره ده اورتاق مطبوعاتی کنفرانس ترتیب له دی. 

جمهوررئیس اردوغان اوروپا بیرلیگی نینگ مهاجر لر اوچون 1 میلیارد یورو یوباریش بوییچه پیشنهادی نی رد ایتدی. 

اردوغان, اوز سوز لری نی, "هیچ کیمسه نینگ تورکیه بیلن اوین اوینَش گه حقی و صلاحیتی یوق" شکلیده دوام ایتتیردی.

جمهوررئیس اردوغان, ایندی اوچره شماقده میز.  ' سیز گه بیر میلیارد یورو یوباره میز' دیماقده لر.  کیم نی الدَتماقچی سیز اوزی؟ بیز ایندی بو پول نی آلمیمیز" دییه قید ایتدی. 

اردوغان, اوز سوز لری نی, "مهم اوروپا بیرلیگی اولکه لری, تورکیه نینگ چیگره تامان حرکت قیلگن مهاجر لر بیلن علاقه لی ناتوغری بیر سیاست آلیب باریاتگن لیگی نی بیلدیریب ایککی یوزله مه چیلیک قیلماقده.  اوشبو خصوصده مسئولیت گه شریک بولیش دیگن گپ نیمه بولدی؟ بو یوک نی بیرته گینه بیز کوتَره میز می؟ بیز 40 میلیارد دالر دن آرتیق پول مصرف قیلدیک" شکلیده دوام ایتتیردی. 

بلغاریا باش وزیری بویکو بوریسوف ایسه, هیچ کیمسه نینگ چیگره ده کوتیب تورگن مهاجر لر بیلن علاقه لی بحران نی درک ایته آلمه گن لیگی نی بیلدیردی. 

بوریسوف, "تورکیه گه مهاجر لر بیلن علاقه لی امکانیت لرنینگ نیمه اوچون اوز وقتی ده بیریلمه گن لیگی نی توشینه آلمیاپمَن.  اوروپا بیرلیگی نینگ اینگ مهم شعار لری دن بیری مسئولیت گه شریک بولیش دن عبارت" دییه قید ایتدی.