جمهوررئیس اردوغان مهاجر لر توغریسیده اوروپا گه عکس العمل کورستدی
اردوغان پایتخت انقره ده مهاجر لر خصوصیده بیانات بیردی
تورکیه جمهوریتی جمهوررئیسی رجب طیب اردوغان, مهاجر لر بیلن علاقه لی یاردم ایتمه گن اوروپا اولکه لری گه عکس العمل کورسترایکن, "چیگره نی آچه میز دیدیک. بونده ی قیله آلمیدیگن لیگی میز نی اویله دی لر. چیگره لر نی آچگچ ' چیگره نی یاپیب قوینگ' دیب قونغیراق قیلماقده لر. ایندی بولمیدی. سیز لر هم بو یوکنی کوتره سیز" دییه قید ایتدی.
اردوغان, تورکیه نی ترور تشکیلات لری و رژیم لر آرقه لی تهدید ایتیش و اقتصادی توزاق لر بیلن تضعیف قیلیش گه حرکت قیلیاتگن تامان لر گه فرصت بیرمیدیگن لیک لری نی بیلدیردی.
جمهوررئیس اردوغان, پنجشنبه کونی مسکو گه سفر قیله دیگن لیگی و خوددی شوو ییر نینگ اوزیده سوریه مسئله سی خصوصیده روسیه جمهوررئیسی ولادیمیر پوتین بیلن اوچره شه دیگن لیگی نی معلوم قیلدی.
سوریه ده بشار الاسد رژیمی گه کیره کلی جواب نی بیریاتگن لیک لری نی بیلدیرگن اردوغان, "هر شهیدی میز گه قرشی سوریه رژیمی نینگ اونلب عنصری, کوپلب طیاره و تانکی نی تاثیر سیز وضعیت گه کیتریب رژیم گه قتتیق ضربه اورماقده میز. اوشبو کوره شی میز بوییچه تیزده غلبه قازانیب ینه ده کوپراق قان توکیلیشی گه مانع بولیش نی آرزو قیلماقده میز. شوباعث ساحه ده گی کوره شی میز دن تشقری دیپلماتیک فعالیت لری میز هم دوام ایتماقده" دییه قید ایتدی.
