سوریه ده تورک حربی لر گه قره ته خائنانه هجوم اویوشتیریلدی

سوریه نینگ ادلب منطقه سیده, خلق نینگ امنیتی نی تامین ایتیش اوچون وظیفه اجرا قیلیاتگن تورکیه قوراللی کوچ لری گه قره ته بشار الاسد رژیمی تامانیدن اویوشتیریلگن هوایی هجوم عاقبتیده 33 تورک حربی سی شهید بولدی. 

اوشبو قیغولی حادثه بیلن علاقه لی تورکیه نینگ هتای ولایتی نینگ والیسی رحمی دوغان معلومات بیردی.

شهید لر نینگ سانی نینگ اول 9, کیین 22 و سونگره ایسه 29 ایکن لیگی نی بیلدیرگن هتای والیسی, اوشبو حادثه عاقبتیده یره لنگن عسکر لرنینگ ایریم لری نینگ ساغلیق وضعیتی نینگ یمان ایکن لیگی نی بیلدیررایکن, خوددی شوو زخمی لرنینگ همه سی نینگ تورکیه گه کیتیریلگن لیگی و تداوی ایتیلیاتگن لیک لری نی معلوم قیلدی. 

هتای والیسی کیین چه لیک بیرگن بیاناتیده, یره لنگن عسکر لردن تورت نفری نینگ شهید بولگن لیگی نی معلوم قیلرایکن, شونده ی قیلیب شهید لر سانی نینگ 33 نفر گه کوتریلیب کیتگن لیگی نی بیلدیردی. 

رحمی دوغان, 32 نفر یره لنگن عسکر نینگ تداوی آستیده ایکن لیگی نی بیلدیررایکن, ساغلیق وضعیت لری نینگ یخشی ایکن لیگی نی معلوم قیلدی.