ایردوغان: روس هیاتی ایرته گه تورکیه گه سفر قیلیب کیله دی

جمهور باشلیغی رجب طیب ایردوغان، روس هیاتی نینگ ادلب موضوعی بوییچه اوچره شوو اوتکزیش اوچون ایرته گه تورکیه گه سفر قیلیب کیله جگینی بیلدیردی.

ادلب موضوعی بولسین لیبیا بولسین تورکیه – روسیه اورته سیده یوز بیرگن بیر جریان ایکن لیگینی اورغوله گن ایردوغان جنابلری،

"اولاً ادلب مسئله سیگه ییچیم تاپیشیمیز کیره ک. بونی روسیه دولت باشلیغی ویلادیمیر پوتین بیلن اینگ یوقاری سویه ده گپیرماقده من. عین دمده وزیرلر و استخباراتی سویه ده هم اوچره شوولر بولیب اوتدی" دیدی.

لیبیا موضوعی بوییچه هم روسیه بیلن اوچره شوولر اوتکزگنلیکلرینی تیلگه آلگن ایردوغان،

"(لیبیاده) حفتر دیگن غیر مشروع بیر شخص بار. ابو ظبی اداره سی قوللب – قوتله ماقده. متاسفانه روسیه نینگ هم او جایده واگنر دیگن بیر خوفسیزلیک گروهی موجود. 2500 کیشی لیک بیر کوچ. مالی منبعی ابو ظبی اداره سی دیر. تورکیه اوله راق بولرنی روسیه بیلن کوریشماقده میز. حرمتلی پوتین بیلن یول پلانیمیزده نیمه کمچیلیکلر باردیب بهالندیرماقده میز" دیب گپیردی.

روسیه نینگ سوریه ده تیزیم کوچلرینی قوللب- قوتله گن لیگینی اورغوله گن ایردوغان،

"بونی انیقلشتیردیک، انکار قیلسه لر هم دلیللری قولیمیزده موجود" دیب ایتدی.

روسیه دولت باشلیغی ویلادیمیر پوتین، فرانسه جمهور باشلیغی ایمانوئیل مکرون و آلمان باش وزیری آنگلا مرکل نینگ اشتراکی بیلن بولیب اوته دیگن جلسه گه تماس قیلگن ایردوغان جنابلری،

"روسیه دن هیات ایرته گه اولکه میزگه سفر قیلیب کیله دی. بو هفته بولیب اوتگن اوچره شوولر بیلن تیگیشلی مکرون، مرکل و پوتین اورته سیده انیق بیر کیلیشوو بولگن ایمس. پوتین بیلن 5 مارچده اوچره شیش نی ریجه له گن میز. تیلفون دن تشقری یوزمه – یوز گپیریش ممکن بوله دی. بو استانبول بوله دی ویا انقره بوله دی میلی فرق ایتمه یدی" دیب گپیردی.