تورکیه نینگ سوریه نینگ ادلب منطقه سیده عملیات اویوشتیریشی ممکن

تورکیه جمهوریتی ملی مدافعه وزیری خلوصی آقر, سوریه رژیمی نینگ جاری آی نینگ سونگگی گه قدر سوچی کیلیشووی ده انیقلنگن نقطه لر گه چیکیلمس لیگی تقدیرده, سوریه نینگ ادلب منطقه سیده عملیات اویوشتیریش لری نینگ ممکن ایکن لیگی نی معلوم قیلدی. 

آقر تورکیه نینگ روسیه بیلن آلیب باریاتگن مذاکره لری حقیده تلویزیون آرقه لی بیرگن بیاناتیده, "سوچی کیلیشووی ده, ادلب بحران نی کمیتیریش منطقه سی نینگ چیگره لری انیقلنگن وضعیتده.  اوشبو چیگره لر گه اویغون حرکت ایتیلیشی کیره ک. بیز اوشبو کیلیشوو گه اویغون حرکت ایتمیاتگن رژیم گه قرشی اوز نفوذینگیز دن استفاده ایتینگ و رژیم نینگ آتش کیسین و سوچی کیلیشووی گه موافق حرکت ایتیشی نی تامین ایتینگ دیماقده میز" دییه قید ایتدی. 

آقر, ادلب ده یشیاتگن 3,5 – 4 میلیون کیشی نی تروریست دیب قبول قیلیشی نینگ رژیم نینگ ایندی اوز کوچی نی قول دن بیریب قویگن لیگی نی کورستیاتگن لیگی نی بیلدیردی. 

منطقه ده روس و تورک حربی لر نینگ مناسبت لری نینگ جوده یخشی ایکن لیگی نی بیلدیرگن آقر, ایککی تامان نینگ بیر بیر لری گه معلومات بیریاتگن لیگی نی ایسله تیب اوتدی.