ترامپ اردوغان گه منتدارچیلیک بیلدیردی
ترامپ شنبه کونی تلفن آرقه لی اردوغان بیلن اوچره شگن ایدی
امریکا قوشمه ایالتلری دولت رهبری دونالد ترامپ, شنبه کونی تلفن آرقه لی اوچره شگن تورکیه جمهوریتی جمهوررئیسی رجب طیب اردوغان گه سوریه نینگ ادلب منطقه سیده گی سعی و حرکت لری سببلی منتدارچیلیک بیلدیردی.
آق اوی سوزچیسی نینگ اورینباسری جود دییر, شنبه کونی اردوغان بیلن ترامپ اورته سیده بولیب اوتگن تلفنی صحبت حقیده یازمه بیانات بیردی.
بیاناتده, "دولت رهبری ترامپ, سوریه نینگ ادلب ولایتیده گی ناتینچ لیک لر بوییچه خواطر بیلدیردی و اردوغان گه تورکیه نینگ بشری فاجعه نینگ آلدی نینگ آلینیشی بوییچه قیلگن سعی و حرکت لری اوچون منتدارچیلیک بیلدیردی" دییه قید ایتیلدی.
اوشبو اوچره شووده, ترامپ نینگ, روسیه نینگ اسد رژیمی نی حمایه ایتیش فعالیت لری نی توخته تیشی و سوریه ده گی ایچکی اوروش اوچون سیاسی بیر ییچیم یولی نینگ تاپیلیشی نی آرزو ایتیاتگن لیگی نی بیلدیرگن لیگی معلوم قیلینگن بیاناتده, "عینی دمده ترامپ, لیبیا ده تشقی کوچ لرنینگ مداخله ایتیشی تقدیرده, وضعیت ینه ده یمان له شه دی" دییه قید ایتگن لیگی معلوم قیلیندی.
