جمهوررئیس اردوغان: ادلب ده سککیز کیشی شهید بولدی

تورکیه جمهوریتی جمهوررئیسی رجب طیب اردوغان, سوریه رژیمی کوچ لری نینگ ادلب ده گی هوایی هجومی نتیجه سیده شهید بولگن کیشی لر سانی نینگ 8 نفر گه کوتریلیب کیتگن لیگی نی معلوم قیلدی. 

اردوغان, رسمی سفر بیلن تشریف بویورگن اوکراین ده, اوکراین لیک کسبداشی ولادیمیر زلنسکی بیلن اورتاق مطبوعاتی کنفرانس ترتیب له دی. 

اردوغان اوشبو ییر نینگ اوزیده بیرگن بیانات لریده, "ادلب ده وضعیت کونساین یمان له شیب بارماقده.  افسوس که, روسیه نینگ هم تیگینمه گن لیگی سببلی, رژیم نینگ هجوم لری عاقبتیده 3 الی 4 میلیون انسان نینگ اوز اوی لری نی ترک ایتیب چیگره میز تامان حرکت ایتگن لیک لری کورینماقده.  آلینگن سونگگی معلومات لر گه کوره, افسوس که تقریباً بیر میلیون کیشی چیگره میز گه کیلیاتگن وضعیتده" دییه قید ایتدی.

ادلب ده رژیم کوچ لری تامانیدن اویوشتیریلگن هوایی هجوم نتیجه سیده شهید بولگن کیشی لر سانی نینگ 8 نفر گه کوتریلیب کیتگن لیگی نی بیلدیرگن اردوغان, اوز سوز لری نی, "هوایی و زمینی کوچ لری میز دن فایده له نیب بولر گه قتتیق جواب قیترماقده میز و کیله جکده هم اوشبو سیاستی میز دوام ایته دی" شکلیده دوم ایتتیردی.