تورکیه بیلن امریکا نینگ ایککی مهم جنرالی اوز ارا اوچره شدی

تورکیه جمهوریتی قوراللی کوچ لری قوماندانی جنرال یاشار گولر, امریکا لیک کسبداشی مارک میلر بیلن اوشبو اوچره شدی. 

بروکسل ده بولیب اوتگن اوشبو اوچره شوو دایره سیده سوریه مسئله سی توغریسیده سوز یوریتیلدی. 

امریکا قوشمه ایالتلری قوراللی کوچ لری قوماندان لیگی نینگ سوزچیسی دی دی هالفهیل بیرگن یازمه بیاناتیده, میلر بیلن گولر اورته سیده بولیب اوتگن اوچره شوو ده سوریه ده گی خوفسیزلیک مسئله سی و منطقه ده تورکیه بیلن امریکا اورته سیده گی همکارلیک باره سیده بحث ایتیلگن لیگی نی بیلدیررایکن, واشنگتن نینگ انقره بیلن ستراتیژیک مناسبت لرگه اهمیت بیریاتگن لیگی نی معلوم قیلدی. 

ناتو اعضاسی 29 اولکه نینگ قوراللی کوچ لری قوماندان لری, ناتو نینگ کون ترتیبی ده اورین آلگن مسئله لر توغریسیده بحث ایتیش اوچون بروکسل ده بیر ییغیلیش اوتکزدی. 

اوشبو ییغیلیش نینگ اینگ مهم آجنداسی, ناتو نینگ مدافعوی و عملی کوچی, عراق ده گی ترینینگ وظیفه سی, افغانستان ده گی قرارلی حمایت کوچی, کوسووا ده گی تینچلیک نی سقلش کوچی, روسیه و اورتاق لر بیلن همکارلیک لر دن عبارت.