اردوغان: بعضی عرب دولت لر اسرائیل نی تشویق ایتماقده

تورکیه جمهوریتی جمهوررئیسی رجب طیب اردوغان بعضی عرب دولت لر نینگ اسرائیل نی قوپاللیککه اوندَیاتگن لیگی نی بیلدیردی.

اردوغان, استانبول ده اسلام همکارلیک تشکیلاتی اجتماعی ایشلر وزیرلری ییغیلیشیده معروضه قیلدی. 

صحبتی جریانیده اردوغان, بعضی سبب لر بیلن فقط گینه اوز ایشلری بیلن بند بولیب قالگن اسلام اولکه لری نینگ, قولیده گی امکانیت لریدن استفاده ایته آلمیاتگن لیک لری نی معلوم قیلرایکن, تورکیه نینگ بیت المقدس و فلسطین ده گی ظلم گه قرشی کوره ش خصوصیده یالغوز قالگن لیگی نی ایسله تیب اوتدی. 

اردوغان, غربی اولکه لر و بعضی عرب دولت لرنینگ اسرائیل نی قوباللیککه اوندیاتگن لیگی نی ایسله تیب اوتیش نینگ ممکن ایکن لیگی نی معلوم قیلدی. 

جمهوررئیس اردوغان, امپریالست مفکوره نینگ اسلام اولکه لری نی بولیب یوق ایتیب قویش فعالیت لری نینگ دوام ایتیاتگن لیگی نی ایسله تیب اوتدی. 

اردوغان, "غرب دن کیلیاتگن تهدید لر گه قرشی باله لر, عیال لر, قری لر و معیوب لر گه قنچه لیک اهمیت بیریلسه شونچه لیک عایله ساختاری میز بوزیلمه گن بوله دی. غرب نینگ علاقه واسطه لری آرقه لی بیریاتگن ضرری گه قرشی هردایم اوزی میزنی مدافعه ایتیشی میز کیره ک.  چیگره لری میز نی حفاظت ایترایکن, ذهن لری میز نینگ تسلیم آلینیشی گه سبب بوله دیگن هر خیل بوشلیک نی هم زودلیک بیلن تولدیریشی میز ضرور" دییه قید ایتدی. 

تورکیه ده موجود بولگن کیشی لر بیلن بیرگه منطقه ده گی 9 میلیون مهاجر بوییچه مسئولیت آلیش گه هیچ کیمسه نینگ جسارت ایته آلمیدیگن لیگی نی بیلدیرگن اردوغان, بیر کون کیلیب باشقه اولکه لرنینگ هم تورکیه نینگ ینگی تورر جای لر توغریسیده گی پروژه لری نی قوللب- قُوَتلیدیگن لیگی نی معلوم قیلدی. 

تروریزم نی اسلام بیلن ارتباط بیرماقچی بولگن فرانسه جمهوررئیسی امانوئل ماکرون گه عکس العمل کورستگن اردوغان, اسلام نینگ لغوی معنی سی نینگ تینچلیک ایکن لیگی نی بیلدیردی. 

فرانسه ده گی مظاهره لر توغریسیده سوز یوریتگن اردوغان, "پاریس ده سریغ واسکت لیک لر مظاهره قیله باشله دی. ایندی توختت قنی. نیمه اوچون توخته آلمَیسن؟" دییه قید ایتدی.