ایردوغان: اسلام دینینی صحیح منبعلردن اورگه نیش کیره ک
غرب منبعلی تخریب قیلووچی پروژه لرنینگ آلدینی آلیش کیره ک دیب ایتدی.
تورکیه جمهور باشلیغی رجب طیب ایردوغان، غرب منبعلی تخریب قیلووچی پروژه لرنینگ آلدینی آلیش اوچون اسلام دینینی صحیح منبعلردن اورگه نیش کیره ک دیب ایتدی.
جمهور باشلیغی ایردوغان انقره ده دین کینگشی یاپیش مراسمیده صحبت قیلدی.
دیننی حیاتدن تجرید قیلگن، بعضی بیر قالب، شکل و حرکتلر بیلن قمره ب آلگن دوگماتیک (dogmatic) توشونچه گه بها بیرمسلیکلرینی اورغوله دی.
"بیر مسلمان دیننی حیات شرطلریگه کوره ایمس، حیاتنی اعتقادنینگ اساسلریگه کوره عیارلش گه مجبور دیر" دیدی.
انسان اعتقادیگه کوره یشه مه گن تقدیرده یشه گن شکلی گه کوره اعتقاد قیلیش گه باشله یدی دیب آگاهلنتیرگن ایردوغان جنابلری،
"دین انسان نینگ حیاتی گه اورین آلمه گن تقدیرده انسان قیلگن ایشلرینی ناتوغری آلیب باره دی. بناً اسلام بیزگه قره ب حرکت قیلمه یدی بیزنینگ اسلام گه قره ب حرکت قیلیشیمیز کیره ک" دیب ایتدی.
شیعی لیک و سنی لیک نینگ عمل و اعتقاد بیلن تیگیشلی تورلی تبصره لر ایکن لیگینی بعضی بیرته توده لر تامانیدن ایریم دینلر کبی کورستیلماقچی بولگن لیگی گه دقت قره تگن ایردوغان،
"غربده بیشیریلیب سونگی پیتلرده اولکه میزگه صادر قیلینماقچی بولگن علی سیز عالوی لیک (شیعه لیک) کبی تخریبی پروژه لرنینگ جمعیتمیزنینگ ایچیده ترقه تیلیشی نینگ ایچیده ینه بو سناریولر بار" دیب افاده ایتدی.
ایردوغان جنابلری؛
"وظیفه سینی صمیمی صادقانه بیر شکلده ادا قیلگن عالم لر تولدیرالمه گن بوشلیک (جای)لرنی پنسیلوانیاده گی ساخته کار کبی تجارلر آله دی. انسانلر اینیقسه یاشلر دینی کمچیلیکلرینی صحیح منبعلردن برطرف ایتمه گن تقدیرده فتح الله چی ترور تشکیلاتی و داعش کبی پستلرنینگ گردابی گه یولیقه دیلر.
پنسیلوانیاده گی حادثه بیر پروژه دن عبارت دیر. بو پروژه تورکیه نینگ اوستیده عملی قیلینگن بیر اویین دیر" دیب ایتدی.
"اسلام دشمن لیگی نینگ و نیونازی تروری نینگ وبا کسل لیگی کبی ییره ب بارگن بیر فضاده غربتده بولگن انسانلریمیزنی بی صاحب قویمه یمز" دیدی.
جمهور باشلیغی؛ استانبول نینگ علم مرکزی گه ایلنتیریلیشی و اسلام بیلن تیگیشلی منبع آلینه دیگن بیر خلق ارا اسلام بیلیم یورتی نینگ قوریلیشی گه اهمیت بیرگن لیگینی افاده ایتدی.
