اردوغان تلفن آرقه لی ترامپ بیلن اوچره شدی
اوشبو اوچره شوو دایره سیده ایککی اولکه اورته سیده گی مناسبت لر حقیده سوز یوریتیلدی
تورکیه جمهوریتی جمهوررئیسی رجب طیب اردوغان, تلفن آرقه لی, امریکا قوشمه ایالت لری دولت رهبری دونالد ترامپ بیلن اوچره شدی.
خوددی شوو اوچره شوو دایره سیده ایککی اولکه اورته سیده گی مناسبت لردن تشقری منطقه مقیاسیده گی مسئله لر باره سیده هم بحث ایتیلدی.
عینی دمده اوشبو اوچره شوو دایره سیده ایککی رهبر ترامپ نینگ دعوتی گه بناً 13 نوامبرده واشنگتن ده یوزمه یوز اوچره شه دیگن لیک لری نی بیلدیردی.
اردوغان, تویتر آرقه لی ترامپ بیلن بولیب اوتگن اوچره شوو حقیده معلومات بیردی.
اوچره شوو دایره سیده ایککی اولکه اورته سیده گی مناسبت لر و منطقه مقیاسیده گی مسئله لر حقیده سوز یوریتیلگن لیگی نی بیلدیرگن اردوغان, "فایده لی بیر تلفنی اوچره شوو بولیب اوتدی. اوچره شوو دایره سیده تروریزم گه قرشی کوره ش و اولکه لری میز اورته سیده گی تجارتی هدف لر کبی کوپلب موضوع لر بوییچه قیله دیگن ایش لری میز باره سیده صحبت ایتدیک. 13 نوامبرده امریکا قوشمه ایالت لری گه قیله دیگن سفری میز و بوگون بولیب اوتگن تلفنی صحبت نینگ ایککی اولکه اورته سیده گی مناسبت لر و منطقه مقیاسیده گی مسئله لر بوییچه خیرلی بوله دیگن لیگی گه ایشانماقده من" دییه قید ایتدی.
ترامپ ایسه تویتر آرقه لی بیرگن بیاناتیده, "اردوغان مینگه, توقنه شوو لر جریانیده قاچگن لیک لری بیلدیریلگن, آره سیده تروریست ابوبکر البغدادی نینگ عیالی و سینگلی سی نینگ هم موجود بولگن کوپلب داعش اعضاسی نینگ اوشلنگن لیگی نی بیلدیردی" دییه قید ایتدی.
اوچره شوو جریانیده سوریه چیگره سی, تروریزم نینگ یوق قیلینیشی, وای پی جی/پی کا کا و باشقه موضوع لر توغریسیده هم بحث ایتگن لیک لری نی بیلدیرگن ترامپ, اوز سوز لری نی, "13 نوامبر ده آق اویده جمهوررئیس اردوغان بیلن اوچره شیش نی صبرسیزلیک بیلن کوتماقده من" شکلیده دوام ایتتیردی.
