ایردوغان مجلسده گی گروپ جلسه سیده کینگ – کولملی صحبت عملگه آشیردی

جمهور باشلیغی رجب طیب ایردوغان، سوریه ده گی برچه تروریست لر قوراللرینی ییرگه قوییب تورکیه تامانیدن تعیین قیلینگن منطقه دن تشقری چیققن حالده، تورک قوراللی کوچلری آلیب باراتگن تینچلیک چشمه سی عملیاتی نینگ اداغگه ییته جگینی بیلدیردی.

ایردوغان باشلیغی بولگن عدالت و ترقیات حزبی نینگ تورکیه بویوک ملت مجلیسیده گی گروپ جلسه سیده گپیردی.

 ایردوغان 8 ییلدن بیری دوام ایتیب تورگن سوریه بحرانی نینگ شمالی افریقا و اورته شرق نینگ قیته دن دیزاین بیریش فعالیتی نینگ محصولی ایکن لیگینی قید ایتدی.

"داعش نی قوللب – قوتله گن مملکتلر بوگون قرشیمیزگه داعش نینگ دشمنی اوله راق چیقماقده. مسئله نینگ اصلی داعش ایمس، پی کاکا هیچ هم ایمس، اصل مسئله منطقه میزگه قره ته بیر پروزه نی عملی قیلیش ایکن لیگی انیق" دیدی.

اروپاده ویا امریکا قوشمه ایالتلریده یازیلگن سناریوده تورکیه اوچون بیچیب – تیکیلگن رول گه تسلیم بولمس لیگینی ویا کوره شه جگینی بیلدیردی.

ایردوغان جنابلری " تورکیه نینگ اوتمیشیده تسلیم بولیش یوق دیر. بیز ملتیمیز بیلن بیرگه لیکده کوره ش بیراغینی یوقاری کوتاردیک. یا استقلال (ایرکینلیک) یا اولیم دیدیک. دولتینی قورگن بیر ملت گه باشقه نرسه یره شمه یدی" دیب گپیردی.

تینچ لیک چشمه سی عملیاتی گه مخالفت قیلگن عرب لیگی (اتفاق) نی آماج قرار بیرگن جمهور باشلیغی، سوریه دن بدرغه بولیب چیققن 6 میلیون سوریه تبعه سیدن 4 میلیونی نینگ تورکیه گه کیلگنینی ایسله تیب؛

قریب همه سی عرب بولمیش بو قاچقینلر مملکتیمیزگه کیلدی. ای عرب لیگی سیز قنچه سوریه لیک مهاجرنی قبول قیلیب آلدینگیز. سیز سوریه نی عرب لیگیدن چیقریب تشله دینگیز" دیب ایتدی.

تورکیه نینگ تاریخیده هیچ بیر پیت تینچ اهالی قتل عامی بولمه گنینی ایسله تیب، تینچلیک چشمه سی عملیاتیده هم بو توغریده گی ادعالری نینگ افترادن عبارت ایکن لیگینی قید دایتگن ایردوغان، " بیزنینگ نی اعتقادیمیز، نی مدنیتیمیز نی هم اخلاقیمیز بونگه رخصت بیرمه یدی" دیدی.

غرب بیلن تیگیشلی قیلگن صحبتیده، بونقه بیر وضعیت گه دوچ کیلیشینگیزنی خواهله مه یمیز بیراق سیز هم بیر کون بیز کبی قیینچیلیکلرگه دوچ قاله سیز. امین بولینگ او پیتده بیزنی یخشی لب انگلب آله سیز لیکن گپ گپدن اوتگن بوله دی. قنی او زمان تروریستلرنی قولب – قوتله گنلر بیلن قنداغ حرکت قیله سیز. قنی تروریستلرگه بوگونگی کبی صاحب چیقه سیز می؟ تروریستلر سیزگه ضرر بیرگنده ینه بو اصیل ملت یانینگیزده بولیب توره دی" دیدی.

"بو (ترورگه قرشی) کوره ش توغریسیده تورکیه نینگ قرشیسیده ایمس یانیده بولیب تورینگ، هیچ بولمه گنده اره لشمنگ" دیب گپیردی.      

ایردوغان جنابلری سوریه ده گی برچه تروریست نینگ بوکیچه قوراللرینی ییرگه قوییب تورکیه انیقله گن خوفسیز منطقه نینگ تشقریسیگه چیققن تقدیرده تینچ لیک چشمه سی عملیاتی نینگ اداغگه ییته جگینی بیلدیردی.

جمهور باشلیغی ایردوغان ژورنالیستلرنینگ منبج بیلن تیگیشلی سوالی گه جواب بیریب،

"بیزنی دردیمیز بو توپراقلرنی ایگه لریگه تسلیم بیریش دیر. بیزبونی خواهله یمیز. بیزگه بونی بیرینگ دیگن دردیمیز یوق. بیزنی یگانه دردیمیز روسیه ویا تیزیم (بشارالاسد) نینگ ترور تشکیلاتی وای پی جی / وای پی دی نی بو جایدن چیقریشلری دیر" دیب افاده ایتدی.

ایردوغان، تیزیم نینگ ایس دی جی (وای پی جی/ پی کاکا تامانیدن بیر آله اوله راق استعمال قیلینگن سوریه دموکراتیک کوچلری) بیلن بیر کیلیشووی بولگن لیگی گه احتمال بیرمس لیگینی ایتدی.