ایردوغان صربستان گه سفر قیلیب باردی

ایردوغان صربستان گه سفر قیلیب باردی

تورکیه جمهور باشلیغی رجب طیب ایردوغان، رسمی سفر آرقه لی صربستان گه شفر قیلیب باردی.

ایردوغان نی پایتخت بلگرادده گی سرایده کسبداشی الکسندر ووسیچ کوتیب آلدی.

ایردوغان بیلن ووسیچ مراسم نینگ آرتیدن ایککی مملکت اورته سیده گی دیپلوماتیک علاقه نینگ 140 – ییل لیگی مناسبتی بیلن صربستان دولت آرشیفیده گی اسناد و فوصورتلرنی ایله نیب کوردی.

ایردوغان بیلن ووسیچ اوز ارا اوچره شوونینگ آرتیدن تورکیه – صربستان یوکسک سویه لی همکارلیک کینگشی نینگ جلسه سیگه باشچی لیک قیلدی.

ایردوغان بوجایده گی صحبتیده ایککی مملکت اورته سیده گی علاقه نینگ رواجلنیب باریشی نینگ خرسند قیلگنینی بیلدیردی.

"تورکیه – صربستان اورته سیده گی سیاسی، تجاری، اقتصادی، مدنی کبی برچه علاقه لرنینگ رواجلنیشی حقیقتن گوزه ل حادثه دیر. بونینگ دوام ایتیشی اوچون مین یوکسک سویه لی ستراتیژیک کینگش جلسه سی گه انچه اهمیت بیره من. بونی بانکلریمیز اوز ارا زیربنالری و بیزنینگ یوقاری سویه لی فعالیتلریمیز بیلن کوپراق رواجلنیب باره ئجگی گه ایشانه من" دیب گپیردی.

صربستان جمهور باشلیغی ووسیچ، اقتصادی همکارلیک بوییچه ینگی ساحه لر اوچون گپلشگن لیکلرینی معلوم قیلدی.

"توریزم، مدنیت و برچه ساحه لرده همکارلیگیمیزنینگ دوام ایتیشی بوییچه کیلیشیب آلدیک" دیدی.

جلسه نینگ آرتیدن جمهور باشلیغلری ایککی مملکت اورته سیده 9 کیلیشووگه قول قویدی و آرتیدن مطبوعاتگه بیانات بیردی.

جمهور باشلیغی ایردوغان صربستان بیلن اقتصادی، سیاسی، مدافعه و تجاری مناسبتلرنی رواجلنتیریش گه حرکت قیلیب تورگن لیکلرینی معلوم قیلیب، همکارلیک ئنینگ انچه یخشی سویه گه بارگن لیگینی بیلدیردی.

ایککی مملکت تجارت حجمی نینگ 1،2 میلیارد دالرگه بارگن لیگینی معلوم قیلگن ایردوغان جنابلری، قیسقه مدت جریانیده 2 میلیارد دالر اوزاق مدت دوامیده 5 میلیارد دالرنی مقصد قیلیب آلگن لیکلرینی تیلگه آلدی.

 ایردوغان، صربستان نینگ تورکیه نینگ صربستان نینگ یینی پازار منطقه سیده قونسلخانه آچیشینی قبول قیلگنینی بیلدیردی.

تورکیه – صربستان – بوسنی هرزگوین جلسه سی نینگ ایره بولیب اوتیشینی خبر بیردی.

"شونده ی قیلیب کونگللرنی بیر-بیری بیلن باغله گن ینگی بیر دوستلیک و تینچلیک کوپریگی بنا قیله میز. انسانلیک اوچون اوروش ایمس، تینچلیک کیره ک" دیدی.