اوچ آکتوبر تورکی زبان دولتلر همکارلیک کونی ایتیب نشانلنماقده

تورکیه تشقی ایشلر وزیرلیگی تامانیدن بیریلگن یازمه بیاناتده، تورکی زبان دولتلر همکارلیک کینگشی نینگ ایجاد ایتیلیشی بیلن تیگیشلی نخجوان کیلیشووی گه 2009 – ییلی 3- آکتوبرده قول قوییلگن لیگی بیلدیریلدی.

بو کیلیشوونینگ تورکیه، آذربایجان، قزاقستان و قرغزستان اورته سیده قول قوییلگن و بونینگ ییل لیگی نینگ هر ییل "تورکی زبان دولتلر همکارلیک کونی" ایتیب نشانلنگن لیگی معلوم قیلیندی.

مذکور بیاناتده "10- ییل لیگی نشانلنماقده ایکن، تورکی زبان دولتلر همکارلیک کونی 15 – آکتوبرده آذربایجان نینگ پایتختی باکوده اوتکزیله دیگن تورک کینگشی 7 – جلسه سیگه اوزبیکستان نینگ هم تماماً اعضا بولیب قتنه شیشی عین دمده تورک کینگشی اروپا دفتری نینگ فعالیت گه اوتیشی بیلن صمیمی نشانله ماقده میز" دیب افاده ایتیلگن.

اوتگن 10 ییل دوامیده تورک کینگشی نینگ تشکیلاتلنیشی اوچون مهم قدملر تشلنگن لیگی گه دقت قره تیلگن خوددی شو بیاناتده،

"کینگش همکارلیک ایچیده بولیب فعالیت آلیب بارگن تورکپا (TÜRKPA) تورکسوی (TÜRKSOY)، تورک اکادیمیسی، تورک مدنیت و میراث بنیادی، تورک تجارت کینگشی و تورک کینگشی مشترک تجارت و صنایع اتقای وسیله سی بیلن اعضا مملکتلر اورته سیده گی مناسبتلر یخشی راق رواجلنیب بارماقده دیر. دوست و قرینداش تورک جمهوریتلری نینگ مشترک تیل، تاریخ و مدنیت بیلن کوچلنگن تورک کینگشی، اوراسیا جغرافیه سیده تینچ لیک و بردملیک که کتته حصه قوشیش مقصدی بیلن آلغه بارماقده دیر" دیب ایتیلگن.

تورک کینگشی 2009- ییلی 3 آکتوبرده قزاقستان نینگ موسس جمهور باشلیغی نورسلطان نظربایف نینگ تکلیفی گه بناً قوریلگن ایدی.