جمهوررئیس اردوغان واشنگتن پُست روزنامه سی گه مقاله یازدی

تورکیه جمهوریتی جمهوررئیسی رجب طیب اردوغان, امریکا قوشمه ایالتلری نینگ واشنگتن پُست روزنامه سی گه مقاله یازدی. 

جمهوررئیس اردوغان اوشبو مقاله سیده واشنگتن پُست روزنامه سی نینگ یازوچی لریدن بیری بولیب 2018- ییل 2 اوکتوبر کونی تورکیه نینگ استانبول شهریده سعودی عربستان نینگ باش قونسلگرلیگی ده سعودی عربستان لیک ژورنالست جمال قاشقچی نینگ اولدیریلگن لیگی توغریسیده سوز یوریتدی. 

اردوغان, اوشبو مقاله سیده,  "11 سپتامبر ترورچیلیک هجومی توغریسیده بحث ایتمسلیگی میز تقدیرده, قاشقچی نینگ اولدیریلیشی نینگ 21- عصر نینگ اینگ کتته حادثه سیدن عبارت بولیشی ممکن. 11 سپتامبر حادثه سی دن بیری هیچ قنده ی بیر حادثه خلق ارا نظم نی بو طریقه تهدید قیلمه گن؛ دنیا تامانیدن قبول قیلینگن قاعده لر گه ضد بولمه گن" دییه قید ایتدی. 

جمهوررئیس اردوغان اوشبو مقاله سیده قوییده گیچه یازدی:

"آره دن بیر ییل اوتگن بولیشی گه قره مسدن اوشبو جنایت حقیده جوده هم آز معلومات نینگ موجود ایگن لیگی خلق ارا جامعه نینگ اویله شی کیره ک بولگن اچچیق حقیقت نی تشکیل ایتماقده.  سعودی عربستان لیک ژورنالست نینگ اولیمی بیلن علاقه لی اوشبو حادثه نینگ یاریتیله دیگن لیگی یاکه یاریتیلمیدیگن لیگی, باله لری میز نینگ قنده ی بیر کیله جککه ایگه بوله دیگن لیگی نینگ کورستگیچی دن عبارت".

تورکیه نینگ بیرینچی کوندن بیری اوشبو خصوصده تینیق بیر سیاست آلیب باریلیشی نی طلب قیلگن لیگی نی بیلدیرگن اردوغان, "اوتگن بیر ییل دوامیده استخباراتی, امنیتی و دیپلماتیک مسئول لری میز بیلن قاره لاوچی لری میز, اوشبو مسئله توغریسیده مخاطب لری بیلن همکارلیک قیلدی.  شونده ی قیلیب ملی و خلق ارا مقیاسده اوشبو حادثه نینگ یاریتیلیب بیریلیشی اوچون برچه قدم لر نی تشله دی" دییه قید ایتدی. 

قاشقچی نی خائنانه بیر شکلده اولدیرگن شبکه بیلن پادشاه سلمان بن عبدالعزیز و سعودی عربستان خلقی نی فرقلی بهالنتیریاتگن لیک لری نی معلوم قیلگن اردوغان, اوز سوز لری نی, "باشقه بیر تاماندن ایسه چقور دوست لیگی میز نینگ, حقیقت لرنی ایتیب بیریشی میز گه توسیق بولیشی ممکن ایمس.  عکسینچه دوست لرنینگ حقیقت لرنی ایتیب بیریشی کیره ک" شکلیده دوام ایتتیردی.    

اردوغان, عدالت نینگ فقط گینه ملی و خلق ارا محکمه لر آرقه لی تامین ایتیله دیگن لیگی نی بیلدیررایکن, "پروسه نینگ تینیق ایمس لیگی, محکمه لر ده مطبوعات گه یاپیق ییغیلیش لرنینگ بولیاتگن لیگی و مظنون لرنینگ رسمی بولمه گن بیر شکلده قویب یوباریلگن لیگی توغریسیده گی ادعا لر, خلق ارا مقیاسده خیال لرنی پوچ گه چیقاره دیگن لیگی دیک, سعودی عربستان نینگ اعتباری گه هم ضرر بیره دی.  سعودی عربستان نینگ دوستی و متفقی صفتیده بونده ی بیر وضعیت نینگ حاکم بولیشی گه هیچ قچان طرفدار ایمس میز" دییه قید ایتدی. 

جمهوررئیس اردوغان, تورکیه نینگ کیلگوسیده هم قاشقچی نینگ اولدیریلیشی بیلن علاقه لی حادثه نینگ یاریتیلیب بیریلیشی اوچون قولیدن کیله دیگن برچه سعی و حرکت لرنی قیله دیگن لیگی نی ایسله تیب اوتدی.