تورکیه, افغانستان ده اویوشتیریلگن هجوم نی قاره له دی

تورکیه, چاریکار شهریده اویوشتیریلگن هجوم نی نی قاره له دی. 

تورکیه جمهوریتی کوپلب کیشی نینگ جان بیرگن و یره لنگن اوشبو حادثه بیلن علاقه لی افغانستان حکومتی و خلقی گه تسلیت بیلدیردی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, چاریکار شهریده جمهوررئیس محمد اشرف غنی نینگ سیلاو کمپاینی ییغینیده اویوشتیریلگن هجوم عاقبتیده کوپلب کیشی نینگ جان بیرگن لیگی و یره لنگن لیگی اوچون انقره نینگ جوده خفه بولگن لیگی بیلدیریلدی. 

بیاناتده, "افغانستان ده گی دموکراتیک پروسه نینگ هدف قیلیب آلینگن اوشبو ترورچیلیک هجومی نی قاره لرایکن, حادثه عاقبتیده جان بیرگن کیشی لر گه الله دن رحمت تیلب, جمهوررئیس غنی و دوست افغانستان حکومتی بیلن خلقی گه تسلیت بیلدیره میز. یره لنگن کیشی لر گه ایسه عاجل شفالر تیلب قاله میز.  جمهوررئیسلیک سیلاو لری نینگ تینچ بیر شکلده بولیب اوتیشی آرزو ایتماقده میز" دییه قید ایتیلدی. 

بوگون جمهوررئیس محمد اشرف غنی نینگ اشتراک قیلگن بیر ییغینده اویوشتیریلگن انتحاری هجوم عاقبتیده 24 کیشی جان بیررایکن, 31 نفر ایسه یره لنگن ایدی.