تورکیه جمهورئیسلیک اورینباسری فواد اوکتای آذربایجان گه تشریف بویوردی

تورکیه جمهوریتی جمهوررئیسلیک اورینباسری فواد اوکتای تورکیه – آذربایجان اقتصاد کمیسیونی نینگ 8- ییغیلیشی گه اشتراک قیلیش اوچون توناون آذربایجان پایتختی باکو گه تشریف بویوردی. 

اوکتای, ایلک نوبتده آذربایجان نینگ سابق جمهوررئیسی مرحوم حیدر علی یف نینگ قبری نینگ باشی گه باریب دعا قیلدی. 

کیین چه لیک ایسه اوکتای 20 جنوری شهید لری و باکو تورک شهید لیگی گه باریب دعا قیلدی. 

جمهوررئیس اورینباسری اوکتای باکو تورک شهید لیگی کتابی گه, "تورک ملتی نینگ دوامی اوچون جان لری نی فدا قیلگن عزیز شهید لری میز, اوشبو ملت نینگ قهرمان فرزند لری.  باکون نینگ قوتیلیشی نینگ 101 ییللیگی نینگ کوتیب آلینیاتگن خوددی شوو کون لرنینگ اوزیده سیز لرنینگ حضورینگیز گه کیلگنیم اوچون جوده خرسند من.  قرداش آذربایجان نی مدافعه قیلیش و اوشبو مقدس یورت توپراق لری نینگ مستقل لیگی اوچون ترددسیز جانینگیز نی فدا قیلیب قهرمان بولدینگیز.  اوشبو قهرمان لیک لرینگیز اوچون منتدار میز.  کوچلی فداکارلیک لرینگیز حاضرگی کونده هم قرداشلیگی میز نینگ کوچلی بولیشی گه سبب بولماقده.  بیز لر گه میراث قویب کیتگن ارزش لرینگیز نی ینه ده کوچلیراق بیر وضعیت گه کیتیریش اوچون قولیمیزدن کیله دیگن برچه سعی و حرکت لر نی قیلماقده میز.  الله تعالی سیز لرنی رحمت ایله سین" دییه قید ایتدی. 

کیین چه لیک اوکتای شهید لرنینگ قبر لری نینگ اوستی گه گل قویدی.