تورکیه جمهور باشلیغی اورینباسری قاچقینلر بوییچه غرب مملکتلری گه ناراضی چیلیک بیلدیردی

جمهور باشلیغی اورینباسری فواد اوکتای تورکیه نینگ قاچقین دیپوسی ایمس ایکن لیگینی، غرب اولکه لری یراتگن بحرانلرنینگ عذابینی چیکه دیگن اولکه ایمس ایکن لیگینی ایتدی.

فواد اوکتای ایتالیانینگ کرنوبیئو شهریده اویوشتیریلگن 45- امبروسیتی ییغیلیشی گه اشتراک ایتیب صحبت عملگه آشیردی.

اوکتای جنابلری، سوریه بحرانی و قاچقین مسئله سی گه تماس قیلدی. جمهور باشلیغی رجب طیب ایردوغان نینگ "ایشیکلریمیزنی آچیب تشله یمیز" دیگن بیاناتی توغریسیده "بو بیر تهدید هم ایمس، بیر الداتووچی هم ایمس دیر. بو بیر حقیقت دیر" دیدی.

اوکتای" ینگی بیر کوچ حادثه سی یوز بیرگنده بولسه تورکیه قنده ی قیلیب بونی ذمه سیگه آله دی دیگن یانداشوو و راحت لیک اصلاً ینگلیش بیر یانداشوو دیر" دیب ایتدی.

روسیه دولت باشلیغی ویلادیمیر پوتین نینگ تورکیه هم G7 اولکه لری قطاریگه کیریتیلسین دیگن تکلفی گه هم تماس قیلدی. اوکتای "تورکیه، حادثه گه شرق-غرب ویا ایریم بلوک جهتیدن قره مه یدی. اوز منفعتلری جهتیدن قره یدی" دیببیان ایتدی.

اوکتای جنابلری تورکیه نینگ هم غرب اوچون همده شرق اوچون کتته بیر فرصت ایکن لیگینی ایتدی.