تورکیه, افغانستان ده اویوشتیریلگن هجوم لر نی قاره له دی
اوشبو هجوم لر کابل و غزنی ولایت لریده اویوشتیریلگن ایدی
تورکیه, افغانستان نینگ غزنی ولایتی بیلن پایتخت کابل ده اویوشتیریلگن تروریستی هجوم لرنی قاره لرایکن, افغانستان خلقی گه تسلیت بیلدیردی.
تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, تورکیه نینگ تروریزم گه قرشی کوره ش بوییچه افغانستان بیلن همکارلیک قیلیش گه دوام ایته دیگن لیگی معلوم قیلیندی.
بیاناتده, افغانستان ده تینچ لیک نینگ اورنه تیلیشی اوچون تامان لرنینگ مذاکره لری نینگ دوام ایتیاتگن بیر پیتده, کابل و غزنی ولایت لریده اویوشتیریلگن تروریستی هجوم لر عاقبتیده کوپلب کیشی نینگ جان بیرگن لیگی و یره لنگن لیگی سببلی تورکیه نینگ قیغوداشلیک بیلدیریاتگن لیگی گه دقت قره تیلدی.
عینی دمده بیاناتده, "مکتب لر ده گی معصوم باله لرنینگ هم جان بیریشی گه سبب بولگن اوشبو هجوم لر نی قاره لرایکن, قرداش افغانستان خلقی گه تسلیت بیلدیره میز" دییه قید ایتیلدی.
غزنی ولایتیده ملی امنیت بنا سی گه قره ته اویوشتیریلگن انتحاری هجوم عاقبتیده 12 کیشی جان بیررایکن, 179 نفر ایسه یره لنگن ایدی.
عینی دمده پایتخت کابل ده ایککی قاره لاوچی گه قره ته اویوشتیریلگن قوراللی هجوم عاقبتیده بیر قاره لاوچی حیاتی نی یوقاتگن ایدی.
