اردوغان اویغور لرنینگ وضعیتی توغریسیده چین مقاملری بیلن صحبت قیلدی
اوشبو مطلب نی تورکیه جمهوررئیسلیک مطبوعات دفتری نینگ رئیسی بیلدیردی
تورکیه جمهوریتی جمهوررئیسلیک دفتری نینگ رئیسی فخرالدین آلتون, پکن رهبریتی نینگ, سینجان خودمختار منطقه سیده یشیاتگن اویغور لرنینگ وضعیتی نی یقیندن باریب کوریش اوچون تورکیه دن بیر هیئت نی چین گه دعوت قیلگن لیگی نی معلوم قیلدی.
اجتماعی ترماق آرقه لی بیرگن بیاناتیده, تورکیه جمهوریتی جمهوررئیسی رجب طیب اردوغان نینگ چین گه قیلگن سفری بیلن علاقه لی معلومات بیرگن آلتون, بولیب اوتگن اوچره شوو لر جریانیده اویغور لر نینگ وضعیتی و تورکیه بیلن چین اورته سیده گی مناسبت لر توغریسیده بحث قیلینگن لیگی نی بیلدیردی.
فخرالدین آلتون, "جمهوررئیسی میز اردوغان, اویغور لرنینگ چین ده تینچ و مرفه بیر شکلده یشش لری نی آرزو قیلیاتگن لیک لری نی معلوم قیلرایکن, اوشبو خصوصده گی فکر لری نی چین تامانی گه بیلدیردی. چین تامانی, سینجان خودمختار منطقه سیده یشیاتگن اویغور لرنینگ وضعیتی نی یقیندن کوریش اوچون تورکیه دن بیر هیئت نی چین گه دعوت قیلدی. حرمتلی جمهوررئیسی میز هم اوشبو دعوت گه مثبت جواب قیتردی" دییه قید ایتدی.
جمهوررئیس اردوغان نینگ چین دولت رهبری شی جینپینگ بیلن بولیب اوتگن اوچره شووی جریانیده, رهبر لرنینگ ایککی اولکه اورته سیده گی تجارت, سرمایه گذارلیک, بیلیم- تکنالوژی, ملکی هواچیلیک, توریزم و فرهنگ ساحه لری بوییچه مناسبت لری نینگ مستحکم لشتیریلیشی توغریسیده اوز ارا کیلیشیب آلگن لیک لری نی معلوم قیلدی.
عینی دمده آلتون, ایککی رهبر نینگ تاریخی ایپک یولی نینگ غرب و شرق تامانی اورته سیده گی ارتباط نینگ مستحکم لشتیریلیشی گه قرار قیلگن لیگی نی بیلدیردی.
