استانبول ده رای بیریش پروسه سی اداققه ییتدی

تورکیه نینگ استانبول شهریده اوشبو شهرنینگ ینگی شهرداری نینگ سیله نیشی اوچون تورکیه وقتی بیلن بوگون ایرته لب ساعت 8 ده باشله گن رای بیریش پروسه سی کیچقرون ساعت 5 ده اداققه ییتدی.

اوشبو دایره ده بیریلگن رای لرنینگ سنلیشی پروسه سی باشله دی.

شهردار ایتیب سیله نه دیگن کیشی نینگ وظیفه سی بیش ییللیک بیر مدت بیلن دوام ایته دی.

اوشبو سیلاو دایره سیده عدالت و توسعه حزبی بیلن ملیتچی حرکت حزبی نینگ اورتاق کاندیدی بنعلی ییلدیریم, جمهوریت خلق حزبی بیلن یخشی حزبی نینگ مشترک کاندیدی اکرم امام اوغلی, سعادت حزبی نینگ کاندیدی نجدد گوکچنار بیلن وطن حزبی نینگ کاندیدی مصطفی ایلکر یوجل بیر بیر لری بیلن رقابت قیلماقده. 

خوددی شوو سیلاو دایره سیده 39 اولسواللیکده استانبول یشاوچیسی 10 میلیون 560 مینگ 963 کیشی نینگ رای بیریش حقی گه ایگه ایکن لیگی بیلدیریلدی.

اوشبو سیلاو نینگ نتیجه سی عالی سیلاو کینگشی تامانیدن اعلان قیلینه دی. 

استانبول ده 31 مارچده بیر سیلاو بولیب اوترایکن, عدالت و توسعه حزبی نینگ اعتراضی گه بناً عالی سیلاو کینگشی 6 می ده بیرگن بیاناتیده اوشبو سیلاو نینگ قیته باشدن بولیب اوتیشی گه قرار قیلینگن لیگی نی بیلدیردی. 

شونده ی قیلیب 23 جونده تورکیه نینگ استانبول شهریده شهردارلیک سیلاو لری نینگ قیته باشدن بولیب اوته دیگن لیگی معلوم قیلینگن ایدی.