تورکیه قیریم تاتار لری نی قوللب- قُوَتله ماقده

تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اِره ن, تورکیه نینگ هردایم قیریم تاتار لری نی قوللب- قوتلیاتگن لیگی نی بیلدیررایکن, کیلگوسیده اوشبو سیاست نینگ دوام ایته دیگن لیگی نی معلوم قیلدی. 

قیریم تاتار لری نینگ تبعید ایتیلیشی نینگ 75 – ییللیگی مناسبتی بیلن چیت ایللرده گی تورک لر و قرینداش لر جمعیت اداره سی بیلن قیریم تورک لری اویوشمه سی تامانیدن ترتیب لنگن مراسمده معروضه قیلگن اره ن, قیریم تاتار لری نینگ 1944 – ییلده گی تبعیدی نینگ ایسدن چیقاریلمس لیگی اوچون سعی و حرکت قیلینیاتگن لیگی نی بیلدیردی. 

اره ن, "سونگگی 200 ییلده مدنیتی میز گه قره گنده, اینیقسه عثمانی دولتی نینگ قولَشی آرتیدن کتته قیین چیلیک لر گه دوچ کیلیب قالگن لیگی میز کورینماقده.  19- عصر نینگ اداغی و 20 – عصر نینگ ایلک ییل لریده بالکان لر, قفقاز, شمالی افریقا و اورته شرقده انسان لر جوده هم کتته قیین چیلیک لر گه دوچ کیلیب قالدی" دییه قید ایتدی. 

عبدالله اره ن, 20 – عصرده کتته قیین چیلیک لرنینگ یوز بیرگن لیگی نی بیلدیررایکن, اوز سوز لری نی, "اداره میز, کیله جگی میز نینگ پارلاق بولیشی اوچون, مدنیت و فرهنگی میز نی ایسدن چیقارمس لیگی میز مقصدی بیلن, تاریخده گی قیین چیلیک لر نی ایسله تیب توریش نی اوز وظیفه سی اوله راق قبول قیلماقده" شکلیده دوام ایتتیردی. 

اوشبو مراسم دایره سیده, اوکراین و قیریم دن کیلگن مهمان لر و تبعید نینگ جانلی شاهد لری نینگ گپ لری گه قولاق سالیش امکانیتی نینگ یره تیلگن لیگی نی بیلدیرگن اره ن, ستالین دوریده 1944- ییلده تقریباً بیر میلیون کیشی نینگ سویت اتفاقی تامانیدن تبعید قیلینگن لیگی نی معلوم قیلدی. 

اره ن, تبعید ده وفات ایتگن کیشی لرنی ایسلش و اجدادی نینگ قنده ی قیین چیلیک لر گه دوچ کیلگن لیگی نی اولاد لر گه توشینتیریلیب بیریلیشی اوچون اوشبو مراسم نینگ ترتیب لنگن لیگی نی بیلدیردی. 

خوددی شوو قیین چیلیک لرنینگ کیله جک اوچون درس بولیشی نی امید ایتیاتگن لیگی نی بیلدیرگن اره ن, "قیریم تاتار لری قرداش لری میز نینگ سیاسی, فرهنگی, اجتماعی و اقتصادی کوره شی دوام ایتماقده.  تاریخده یوز بیرگن واقعه لرنی ایسدن چیقارمسلیککه حرکت قیلماقده میز.  تورکیه, اوشبو کوره شی بوییچه قیریم تاتار لری نی قوللب- قوتله ماقده.  جمهوررئیس رجب طیب اردوغان هم مراسم گه یوبارگن تیلگرافی بیلن قیریم تاتار لری نینگ قوللب- قوتله نیاتگن لیگی نی کورسه تیب بیردی" دییه قید ایتدی.