تورکیه عراق نینگ شمالیده ترورچی لر گه قره ته عملیات اویوشتیردی

تورکیه قوراللی کوچلری نینگ اولکه نینگ ایچی و تشقریسیده بولووچی ترور تشکیلاتی پی کا کا گه قره تیلگن عملیات لری دوام ایتماقده. 

تورکیه نینگ شیرناق ولایتی نینگ گابار داغی منطقه سیده ترور تشکیلاتی پی کا کا نینگ  مهمات و غذائی موادی نی سقلش اوچون بیر جای قورگن لیگی انیقلندی.  ترور تشکیلاتی نینگ خوددی شوو مرکزی تورکیه قوراللی کوچ لری تامانیدن اویوشتیریلگن عملیات نتیجه سیده یوق قیلیندی. 

تورکیه نینگ تونجه لی ولایتی هوزات و اواجیک تومن لری نینگ چیککه حدود لریده اویوشتیریلگن عملیات نتیجه سیده هم ترورچی لر تامانیدن استفاده قیلینگن لیگی انیقلنگن مرکز لر استفاده ایتیله آلمیدیگن بیر وضعیت گه کیتیریلدی. 

عینی دمده تورکیه قوراللی کوچ لری نینگ تورکیه نینگ تشقریسیده هم ترور تشکیلاتی پی کا کا گه قره تیلگن عملیات لری دوام ایتماقده. 

عراق نینگ شمالیده گی خاکورک و آواشین- باسیان منطقه لریده هوایی عملیات اویوشتیریلدی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, اوروش طیاره لری نینگ, ترور تشکیلاتی پی کا کا نینگ موضع لری و مهمات دیپو لری نی یوق قیلگن لیگی بیلدیریلدی.