تورکيه تشقی ایشلر وزیری: S-400 تیزیملری نینگ کنترولی فقط تورکیه نینگ اختیاریده بوله دی

تورکيه تشقی ایشلر وزیری مولود چا‌ووش اوغلی تورکيه روسیه‌دن ساتیب آله‌دیگن S-400 تیزیملری نینگ کنترولی نینگ تماماً تورکیه نینگ قولیده بوله جگینی و بولرنینگ ناتو تیزیملری گه و F -35 حربی اوچاقلری گه تهدید تشکیل ایتمس لیگینی تاکییدله دی.

 ناتونینگ 70 – ییل لیگی مناسبتی بیلن امریکا قوشمه ایالتلری نینگ پایتختی واشنگتنده اوتکزیله دیگن ناتو تشقی ایشلر وزیرلری جلسه سیگه اشتراک ایتگن تورکیه تشقی ایشلر وزیری مولود چاووش اوغلی مطبوعاتگه بیانات بیردی.

مولود چاووش اوغلی، امریکا قوشمه ایالتلری تشقی ایشلر وزیری مایک پمپیئو بیلن اوچره شووی گه تماس قیلیب، امریکا قوشمه ایالتلری نینگ سوریه دن چیقیشی و سوریه نینگ شمالیده ایجاد ایتیلیشی ریجه لنگن خوفسیز منطقه موضوعلرینی قولگه آلگن لیکیلرینی بیلدیردی. بو توغریده ایککی مملکت نینگ مشترک کوچلری نینگ وظیفه سی، امریکا قوشمه ایالتلری نینگ چیقیش جریانی موافقلشتیریش فعالیتلری نینگ دوام ایتیشی توغریسیده کیلیشگن لیکلرینی تیلگه آلدی.  

چاووش اوغلی تورکیه بیلن امریکا قوشمه ایالتلری نینگ S-400 هوا مدافعه راکت‌ تیزیملری F -35 حربی اوچاقلری توغریسیده فرقلی اویله گن لیکلرینی معلوم قیلیب، بو موضوع گه هم تماس قیلگن لیکلرینی بیان ایتدی.

"تورکیه نینگ هر تامانلمه بیر سیاست تعقیب ایتگن لیگینی تیلگه آلگن چاووش اوغلی منطقه ده روسیه بیلن قوشنی میز و منطقه ده گی هرکیم روسیه دن طبیعی گاز آلماقده. روسیه بیزنینگ بیر تجارت اورتاغیمیز. امریکا قوشمه ایالتلری بیز بیلن ناتو متفقی دیر. ناتونینگ شرقده گی و قاره دینگیزده گی برچه فعالیتلرینی قولب-قوتله یمیز. هرکیم بیلن یخشی مناسبتده بولیشنی و بولرنی توازنلشتیرماقچی میز. بناً شو ویا بو شکلده بیر ترجیح قیلیش گه مجبور ایمس میز" دیب ایتدی.

چاووش اوغلی S-400 ساتیب آلیش و امریکا قوشمه ایالتلری نینگ تورکیه نینگ کیلیشوونی نهائی بولگنینی ایتیشی گه کورستگن عکس العمل لری بیلن تیگیشلی جواب بیردی. "بیز همه گه باشدن ایتدیک. بو یشیرنچی بیر جریان ایمس. بو کیلیشوونینگ نهائی بولگنینی بیرینچی مرته ایتگن ایمس میز" دیدی.

چاووش اوغلی؛

"بو توغریده خواطرنی قنداغ قیلیب یوق قیله میز؟ بو S-400 لرنینگ تماماً تورکیه نینگ کنترولیده بوله جگینی و بولرنینگ ناتو تیزیملریگه و F -35 حربی اوچاقلری گه تهدید تشکیل ایتمس لیگینی تاکییدلب تورگن میز. البته روسیه بیلن بیرینچی شرطیمیز بو ایدی و ناتو تیزیمی بیلن بیرلشتیریلمه یدی. ناتو سیستملریگه و بیزنینگ سیستملریمیزگه هیچ بیر ریسک ویا تهدید تشکیل ایتمه یدی" دیب گپیردی.