جمهوررئیس اردوغان انقره ده سیلاو نتیجه لری حقیده بیانات بیردی

تورکیه جمهوریتی جمهوررئیسی و عدالت و توسعه حزبی نینگ رهبری رجب طیب اردوغان پایتخت انقره ده تورکیه ده یکشنبه کونیده بولیب اوتگن سیلاو لرنینگ نتیجه لری حقیده بیانات بیردی. 

اردوغان, عدالت و توسعه حزبی و جمهور اتفاقی نی حمایت قیلگن  برچه کیشی لر اوز منتدارچیلیک لری نی بیلدیردی. 

جمهوررئیس اردوغان رکوع و سجده دن تشقری باشقه هیچ قچان بویین ایگمیدیگن لیک لری نی بیلدیررایکن, اینگ اساسی هدف لری نینگ ملت گه خدمت قیلیش دن عبارت ایکن لیگی نی معلوم قیلدی.

اردوغان, عدالت و توسعه حزبی نینگ 2002 – ییل 3- نوامبر کونیدن بیری سیلاولرده بیرینچی اوریننی ایگللب کیلیاتگن لیگی نی معلوم قیلرایکن, بو گلگلی سیلاو لرده هم اوشبو حزب نینگ بیرینچی بولیب چیققگن لیگی نی بیلدیردی. 

جمهوررئیس, یکشنبه کونیده بولیب اوتگن خوددی شوو سیلاو لر نتیجه سیده تورکیه ده شهردارلیک لرنینگ تقریباً 56 فایزیده عدالت و توسعه حزبی نینگ کاندید لری نینگ قازانگن لیک لری نی معلوم قیلدی. 

عینی دمده جمهوررئیس اردوغان ملیتچی حرکت حزبی نینگ رهبری دولت باغچه لی گه هم سیلاو لرده گی همکارلیک لری اوچون اوز منتدارچیلیک لری نی بیلدیردی. 

شهردار بولیب سیلنگن عدالت و توسعه حزبی و جمهور اتفاقی کاندید لری گه کتته دن کتته یوتوقلر تیلب قالرایکن, موفقیت کسب ایتیله آلمه گن جای لرده ایسه ینه ده کوپراق ایش قیلینیشی کیره ک ایکن لیگی نی معلوم قیلدی. 

اردوغان, انقره و استانبول ده گی اولسواللیک لرنینگ شهردارلیک لری نینگ اکثریتیده عدالت و توسعه حزبی کاندید لری نینگ موفق بولگن لیک لری نی بیلدیردی. 

جمهوررئیس اردوغان کیله جک 4,5 ییلده سیلاو بولمیدیگن لیگی نی معلوم قیلدی. ایندی ایریم ریفورم لر بیلن تورکیه ده گی موجود قیین چیلیک لر نی ییچیش گه حرکت قیله دیگن لیک لرینی بیلدیردی. 

عینی دمده اردوغان, ایندی ملی خوفسیزلیک مسئله لری بوییچه جدی تدبیر لر آلینه دیگن لیگی نی معلوم قیلدی. 

جمهوررئیس اردوغان, عدالت و توسعه حزبی طرفداری لری نینگ خفه بولمس لیگی کیره ک ایکن لیگی نی معلوم قیلرایکن, اوشبو حزب نینگ رای لرنینگ 52 فایزی نی کسب قیلگن لیگی نی بیلدیردی.