تورکیه عرب اولکه لری گه عکس العمل کورستدی
تورکیه نینگ اوشبو عکس العملی ترامپ نینگ گولان تپه لری بیلن علاقه لی قراری گه تیگیشلی
تورکیه جمهوریتی تشقی ایشلر وزیری مولود چاووش اوغلی, امریکا قوشمه ایالت لری دولت رهبری دونالد ترامپ نینگ, سوریه گه عاید گولان تپه لری نینگ اسرائیل توپراغی گه قوشیلیشی بیلن علاقه لی تقنینی فرمان نی امضالَشی گه قرشی هیچ بیر نرسه دیمه گن ایریم عرب اولکه لری گه عکس العمل کورستدی.
ترامپ نینگ اوشبو اقدامی گه قرشی ایلک نوبتده تورکیه نینگ عکس العمل کورستگن لیگی نی بیلدیرگن چاووش اوغلی, "سوریه نینگ گولان تپه لری نینگ اشغالچی اسرائیل توپراغی اوله راق تن آلینیشی بیلن علاقه لی بولگن و امریکا قوشمه ایالتلری دولت رهبری تامانیدن امضالنگن اوشبو سند گه قرشی عرب اولکه لری عکس العمل کورستدی می؟ ایلک نوبتده قیسی اولکه عکس العمل کورستدی؟ البته که تورکیه. حتی اوروپا بیرلیگی نینگ هم عکس العمل کورستگن لیگی گه قره مسدن ایریم عرب اولکه لری نینگ, امریکا و اسرائیل دن قورققگن لیک لری اوچون سیسی نی چیقارمیاتگن لیگی کورینماقده" دییه قید ایتدی.
توناوکون دونالد ترامپ, 52 ییل دن بیری اسرائیل نینگ اشغالی آستیده گی سوریه گه عاید گولان تپه لری نینگ اسرائیل توپراغی اوله راق تن آلینیشی گه تیگیشلی تقنینی فرمان نی امضاله گن ایدی.
