کویت خلقی دنیا رهبر لری آره سیده اینگ کوپ اردوغان نی یخشی کورماقده

سونگگی ییل لرده کویت بیلن تورکیه اورته سیده گی یخشی مناسبت لر, ایککی اولکه رهبریت لریدن تشقری خلققه هم مثبت تاثیر قالدیردی. 

امریکا قوشمه ایالت لری نینگ تحقیقات مرکز لریدن بیری بولگن واشنگتن انستیتوت تامانیدن قیلینگن بیر تحقیق نتیجه سیده, کویت خلقی نینگ دنیا رهبر لری آره سیده اینگ کوپ تورکیه جمهوریتی جمهوررئیسی رجب طیب اردوغان نی یخشی کورگن لیگی انیقلندی. 

کویت نینگ القبس روزنامه سی اوشبو خبر نی, "کویت لیک لر ترامپ دن خفه, اردوغان نی ایسه یخشی کورماقده" عنوانی بیلن ترقتدی. 

خبرده, کویت لیک لرنینگ امریکا قوشمه ایالتلری دولت رهبری دونالد ترامپ نی 5 فایز و جمهوررئیس اردوغان نی ایسه 64 فایز قوللب- قُوَتلیاتگن لیگی نی بیلدیرگن لیگی معلوم قیلیندی.

اوشبو تحقیق نتیجه سیده کویت لیک لرنینگ اردوغان آرتیدن ایسه اینگ کوپ (49 فایز) چین جمهوررئیسی شی جین پینگ نی یخشی کوریاتگن لیگی انیقلنگن.

روسیه جمهوررئیسی ولادیمیر پوتین نینگ هم ترامپ قدر یخشی کوریلگن لیگی بیلدیریلدی. 

کویت امیری شیخ صباح الاحمد الجابر 2017- ییلده تورکیه گه ایککی مراتبه سفر قیلرایکن, تورکیه جمهوریتی جمهوررئیسی رجب طیب اردوغان ایسه خوددی شوو ییل نینگ اوزیده کویت گه اوچ مرته سفر قیلدی.