تورکیه و امریکا قوشمه ایالتلری دولت باشلیغلری تیلفون آرقه لی صحبت عملگه آشیردی

تورکیه جمهور باشلیغی رجب طیب ایردوغان بیلن امریکا قوشمه ایالتلری دولت باشلیغی دونالد ترامپ اورته سیده تیلفون آرقه لی اوچره شوو بولیب اوتدی.

جمهور رئیس لیک منبع لریدن آلینگن معلوماتگه کوره، اوشبو اوچره شووده اوز ارا مسئله لر و سوریه ده یوز بیریب تورگن سونگی حادثه لر مطرح بولگن. عین دمده سیاسی جریان نینگ حمایه قیلینیشی اورغولنگن و هر تورلی ترورچیلیک که قرشی کوره ش بوییچه مشترک حرکت تایید ایتیلگن.

ایککی رهبر، امریکا قوشمه ایالتلری نینگ سوریه دن چیقیش قراری نینگ مشترک منفعتلرگه ماس و مشترک هدفلرگه زیان ییتکیزمه یه دیگن شکلده عملی قیلینیشی توغریسیده کیلیشیب آلگنلر.

ایردوغان و ترامپ نینگ اوز ارا اقتصادی مناسبتلر بوییچه تجارت حجمی نینگ 75 میلیارد دالرگه آلیب باریش توغریسیده همفکر ایکن لیکلری قید ایتیلدی.

جمهور باشلیغی ایردوغان بیلن امریکا قوشمه ایالتلری دولت باشلیغی ترامپ اورته سیده گی تیلفونی ملاقات بیلن تیگیشلی آق اویدن هم بیانات بیریلدی.

اوشبو بیاناتده، "خوفسیز بیر منطقه ایجا ایتیلیشی اوچون همکارلیک نینگ دوامی توغریسیده کیلیشیب آلیندی" دیب ایتیلگن.

بیانات نینگ دوامیده، "ایککی رهبر اوز ارا مناسبت نینگ اهمیتی گه اشاره قیلدیلر و سوریه مسئله سی بیلن ایککی مملکت اورته سیده گی تجارت قاله ویرسه انچه موضوعنی کوریشیب چیقدیلر. خوفسیز بیر منطقه ایجا ایتیلیشی اوچون همکارلیک نینگ دوامی توغریسیده کیلیشیب آلیندی و امریکا قوشمه ایالتلری مدافعه وزیری سرپرستی پاتریک شاناهان بیلن قوراللی کوچلر قومندانی ستر جنرال جوزیف دانفورد نینگ بو موضوعلرده قوشیمچه اوچره شوولر اوچون جاری هفته جریانیده واشنگتنده تورک مسؤللر بیلن ملاقات اوتکزه جکلری" معلوم قیلیندی.