تیکا نینگ فعالیت لری حقیده قیسقه معلومات

تیکا 1995- ییل گه قدر قرداش اولکه لر ده اقتصادی, اجتماعی و فرهنگی فعالیت لر آلیب باردی.  اوشبو تاریخدن باشلب تیکا تعلیم و تربیه و فرهنگ ساحه سی بوییچه همکارلیک لر گه کتته اهمیت بیریب کیلماقده. اولکن موفقیت لر قولگه کیریتیش نینگ اینگ اساسی یولی اوقیگن کیشی لر سانی نی آرتیریش دن عبارت.  اوشبو دایره ده تیکا 1995 – ییلدن کیین تعیلم و تربیه ساحه سی بوییچه فعالیت لری نی جدللشتیردی؛ فرقلی اولکه لرده مکتب لر, کتابخانه لر و لابراتوار لر قوررایکن, عالی بیلیم یورت لریده گی تخنیکی امکانیت لرنینگ آرتیریلیشی اوچون سعی و حرکت قیلیب کیلدی. 

2000 – ییلده جهانی لشیش باشلرایکن, اوشبو پروسه نینگ تاثیری ایسه شرق و غربده اورین آلگن کوپلب جغرافیه لرده حس ایتیله باشله دی.  خوددی شوو دور نینگ اوزیده تیلداش اولکه لرنینگ رواجله نیشی نینگ اهمیت کسب ایتیشی بیلن بیرگه تیکا نینگ منطقه ده گی پروژه لری رواجله نیش پروژه لری گه ایله نیب قالدی.  اولکه میز و تیکا نینگ اورتاق تاریخی میراث گه اهمیت بیریاتگن لیگی سببلی اوشبو جغرافیه لرده گی رواجله نیش پروژه لری نینگ دوام ایتیاتگن لیگی کورینماقده. 

اولکه میز نینگ دنیا و منطقه ده مهم بیر اکتور گه ایله نیش بوییچه تشبث لری دایره سیده 2000 – ییلدن کیین تشقی سیاستی میزده جدی اوزگریش لر بحث موضوعی بوله باشله دی.  خوددی شوو اوزگریش بیلن تیکا فعالیت ساحه سی نی کینگیتیررایکن, 2002 – ییلده 12 بولگن دفترلری سانی نی 2011 – ییلده 25 و 2012 – ییلده ایسه 33 گه آرتیردی.  حاضرگی کونده ایسه تیکا 59 اولکه ده اورین آلگن 61 دفتری بیلن 150 اولکه ده فعالیت آلیب بارماقده. تورکیه نینگ معقول سیاست لری دایره سیده تیکا نینگ فعالیت آلیب باریاتگن ساحه لر سانی نینگ کونساین آرتیب باریاتگن لیگی کورینماقده.  تورکیه نینگ, تیکا واسطه سی بیلن دوست و قرداش اولکه لرده آلیب باریاتگن فعالیت لری بوییچه اساسی هدفی ایسه خوددی شوو جغرافیه ده یشیاتگن خلق لر اوچون یخشی بیر حیات امکانیتی یره تیب بیریشدن عبارت. 

تیکا دولت اداره لری, عالی بیلیم یورت لری, نادولت تشکیلات لر و خصوصی سکتور اورته سیده گی همکارلیک میزانی نی آرتیریش اوچون سعی و حرکت قیلیب کیلماقده. 

2002 – ییلده تورکیه نینگ رواجله نیش بوییچه یاردم لری 85 میلیون دالر دن عبارت ایکن, 2017- ییلده ایسه اوشبو رقم 8 میلیارد 120 میلیون دالر گه کوتریلیب کیتدی.  عینی دمده حاضرگی کونده تورکیه دنیاده اینگ کوپ یاردم قیلگن اولکه دن بولگن وضعیتده. 

اولکه میز, تیکا واسطه سی بیلن اورته آسیا دن باشلب, اورته شرق, افریقا, قفقاز و لاتین امریکا گه قدر کینگیش بیر جغرافیه ده انسان لر گه خدمت قیلیب کیلماقده.