تورکیه لیبیاده گی حادثه نی قتتیق قاره له دی

تورکیه, لیبیانینگ پایتختی الطرابلسده تشقی ایشلر وزیرلیگیده اویوشتیریلگن انتحاری هجوم نی قاره له دی. 

تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, " لیبیانینگ پایتختی الطرابلسده اویوشتیریلگن و ملی کیلیشوو حکومتی تشقی ایشلر وزیرلیگینی آماج قرار بیرگن ترورچیلیک هجومینی قاره لرایکن, حاثه عاقبتیده جان بیرگن کیشی لر گه الله تعلی دن رحمت تیلب, قرینداش لیبیا خلقی گه تسلیت بیلدیره میز.  یره لنگن کیشی لر گه ایسه تنگری تعالی دن عاجل شفا لر تیلب قاله میز" دیب قید ایتیلدی. 

لبیانینگ پایتختی الطرابلسده تشقی ایشلر وزیرلیگی بناسیده اویوشتیریلگن خودکش هجومده 3 کیشی حیاتینی یوقه تدی و 9 کیشی یره لنگن ایدی.

ملی کیلیشوو حکومتی گه باغلیغ ساغلیقنی سقلش وزیرلیگی فیسبوک آدرسی آرقه لی بیرگن بیاناتده، الطرابلسده تشقی ایشلر وزیرلیگی بناسیده اویوشتیریلگن خودکش هجومده 3 کیشی نینگ حیاتینی یوقه تگن لیگینی و 9 کیشی نینگ یره لنگن لیگینی بیلدیرگن ایدی.

تشقی ایشلر وزیرلیگی منبعلریدن آلینگن معلوماتگه کوره، ترور تشکیلاتی دعش اعضاسی ایکن لیگی تخمیت ایتیلگن قوراللی بیر گروپ وزیرلیک نینگ بناسیگه کیریب اطراف گه فیر قیلیب باشله گن. آرتیدن اوستلریگه اورنه تیلگن منفجره موادنی پارتله تیب یوبارگن ایدی.

هجوم عملگه آشیریلگن پیتده تشقی ایشلر وزیری نینگ بناده ایمس ایکن لیگینی ملی کیلیشوو حکومت ریاست کینگشی باشلیغی فیض السراج بیلن مملکت نینگ غرب تامانیده گی زاویه شهریده بیر سفر اویوشتیرگن لیگی قید ایتیلگن ایدی.