تورکیه و امریکا قوشمه ایالتلری تشقی ایشلر وزیرلری نینگ اوچره شووی بولیب اوتدی

تورکیه تشقی ایشلر وزیری مولود چاووش اوغلی، سوریه دن عسکری کوچینی چیقریشینی خبر بیرگن امریکا قوشمه ایالتلری نینگ تشقی ایشلر وزیری مایک پمپیئو بیلن صحبت عملگه آشیردی.

دیپلوماتیک منبعلردن آلینگن معلوماتگه کوره، ایککی وزیرنینگ تیلفون آرقه لی صحبتیده، امریکا قوشمه ایالتلری نینگ سوریه دن عسکرینی موجودیتینی نهائی قیلیب چیقیش قرارینی قولگه آلگن.

امریکا قوشمه ایالتلری دولت باشلیغی دونالد ترامپ اجتماعی ترماق تویتر آرقه لی بیرگن بیاناتده،

"دولت رئیس لیگیم دوریده سوریه ده بولیشیمیزنینگ سببی بولگن داعشنی مغلوبیت گه اوچره تدیک" دیب ایتگن ایدی.

آق اوی سوزچیسی ساره سندرس، داعش گه قرشی کوره ش نینگ ینگی مر حله سیگه باشله گن حالده امریکا قوشمه ایالتلری عسکرلرینی چیقه ریشگه باشله دیک" دیب ایتدی.

امریکا میدیاسی تشقی ایشلر وزیرلیگی مسؤللریگه تیانتیریب بیرگن خبرلرده، تشقی ایشلر وزیرلیگی نینگ سوریه ده گی برچه پرسونلی 24 ساعت ایچیده چیقه دی و امریکا قوشمه ایالتلری نینگ سوریه ده گی عسکری کوچلری 60 الی 100 کون جریانیده چیقه دی دیب ادعا ایتیلگن ایدی.

باشقه تاماندن امریکا قوشمه ایالتلری مدافعه وزیرلیگی مسؤللری، چیقیش قراری آلگن حالده، "محلی شریکلر بیلن فعالیت قیلیش گه دوام ایته جکلرینی" بیلدیرگن ایدی.

امریکا قوشمه ایالتلری نینگ سوریه دن عسکری موجودیتینی چیقریش تقویمی، برچه عنصرلرینی چیقریب چیقرمس لیگی، ترور تشکیلاتی YPG/PKK بیلن قیسی شکلده فعالیت قیلیش گه دوام ایته جگی و تورکیه گه بیرگن وعده سیگه بناً ترور تشکیلاتی گه بیرگن قوراللرنی قچان و قیسی شکلده ییغیب آلیشی بیلن تیگیشلی سواللرگه جواب بیریلیشی کیره ک.