تورکیه سعودی عربستانگه عکس العمل کورستدی

تورکیه جمهوریتی عدلیه وزیری عبدالحمید گل, جمال قاشقچی قضیه سی نینگ یاریتیلیب بیریلیشی بوییچه سعودی عربستان نینگ یخشی بیر سیاست آلیب بارمیاتگن لیگی نی بیلدیررایکن, اوشبو خصوصده خلق ارا جامعه نینگ همکارلیگی بیلن ایش آلیب باره باردیگن لیک لری نی معلوم قیلدی. 

گل, قاشقچی قضیه سی بیلن علاقه لی مظنون لرنینگ تاپشیریلیشی گه تیگیشلی طلب نینگ سعودی عربستان تامانیدن رد قیلینیشی باره سیده توخته لیب اوتدی. 

تورکیه نینگ سعودی عربستاندن, حقوق دایره سیده مظنون لرنی تاپشیریشی نی طلب قیلگن لیگی نی بیلدیرگن گل, "اوشبو خصوصده سعودی عربستان تمانی نینگ معقول بیر سیاست آلیب باریشی کیره ک.  بیراق بونده ی بیر سیاست گه شاهد بولمه دیک.  ایندی بیز خلق ارا جامعه نینگ همکارلیگی بیلن ایش آلیب باره میز" دییه قید ایتدی. 

گل, اوشبو قضیه نینگ یاریتیلیب بیریلیشی اوچون خلق ارا جامعه و سعودی عربستان نینگ تورکیه بیلن همکارلیک قیلیشی کیره ک ایکن لیگی نی بیلدیردی. 

سعودی عربستان نینگ قاشقچی نینگ جسدی نینگ تاپیلیشی گه مانع بولگن لیگی نی بیلدیرگن گل, "اوشبو قضیه اونوتیلیشی ممکن بولمه گن وحشیانه بیر جنایت دن عبارت.  تورکیه بیرینچی کوندن بیری اوشبو قضیه نی دقیقاً کوزه تیب کیلماقده" دییه قید ایتدی. 

سعودی عربستان لیک ژورنالست جمال قاشقچی, اکتوبر آیی نینگ 2 نچی کونیده اولکه سی نینگ استانبول باش قونسلگرلیگیده وحشیانه بیر شکلده اولدیریلگن ایدی.