تورکیه افغانستانده گی ترورچیلیک حادثه لرینی محکوم ایتدی

تورکیه، افغانستان نینگ پایتختی کابلده توناون کونی اویوشتیریلگن ترورچیلیک حادثه سینی قاره لب، افغانستان خلقی گه قیغوداشلیک بیلدیردی.

تشقی ایشلر وزیرلیگیدن بیریلگن بیاناتده؛

کابلده توناون کونی غزنی و ارزگان ولایتلریده گی خوفسیزلیک وضعیتی گه ناراضی چیلیک بیلدیرگن مظاهرچیلرگه قره ته اویوشتیریلگن خودکش هجوم عاقبتیده کوپچیلیک نینگ اولیب یره لنگن لیگی قیغولی خبر ییتیب کیلگن دیر" دیب ایتیلگن.

بیاناتده؛

اوشبو ترورچیلیک حادثه سینی محکوم ایته میز. بو حادثه ده اولگنلرنی خداون مغفرت قیلسین. دوست افغانستان حکومتی و خلقی گه تسلیت بیلدیره میز. یره لی لرگه عاجل شفا تیلب قاله میز" دیب ایتیلگن.

کابلده مظاهره چیلرنینگ اورته سیگه انفجار یوز بریب 6 کیشی اولگن ایدی و 10 کیشی یره لنگن ایدی.