سعودی ولیعهد شهزاده: قاشیقچی نینگ مسئله سی بوییچه تورکیه بیلن بیرگه لیکده فعالیت آلیب بارماقده میز

ژورنالیست جمال قاشیقچی اولدیریلگنیدن بیری بیرینچی مرته سعودی عربستان ولیعهد شهزاده سی محمد بن سلمان بیانات بیردی و حادثه گه ییچیم تاپیش اوچون تورکیه بیلن بیرگه لیکده فعالیت قیلیب تورگن لیکلرینی ایتدی.

جمهور باشلیغی رجب طیب ایردوغان بیلن تیلفون آرقه لی کوریشگن ولیعد شهزاده آرتیدن بیانات بیردی.

محمد بن سلمان، "ایککی مملکت نینگ حکومتی جرم گه قول اورگنلرگه جزا بیریش اوچون همکارلیکلرینی اثبات قیله دیلر" دیب ایتدی.

"سعودی عربستان و تورکیه اورته سیده معما یراتماقچی بولگنلر بار. قزال سلمان، مین و ایردوغان بولگنده بونگه موفق بولالمه یدیلر" دیب افاده ایتدی.

قرال سلمان قاشیقچی جنایتی نینگ کوپ قیغو بیرووچی و نا حق ایکن لیگینی قید ایتیب، نتیجه آلیش اوچون تورکیه بیلن بیرگه لیکده فعالیت الیب بارگن لیکلرینی بیان ایتدی.

ولیعهد شهزاده عدالت نینگ تامین بوله جگینی ایتدی.

واشنگتن پوست روزنامه سی نینگ یازووچیسی سعودی لیک ژورنالیست جمال قاشیقچی 2 اکتوبر 2018 سه شنبه رسمی ایشلر اوچون سعودی عربستان نینگ استانبول باش قونسلخانه سیگه بارگندن کیین لادرک بولگن ایدی.

سعودی عربستان اداره چیلری، 2 اکتوبرده قاشیقچی نینگ "قونسلخانه بناسی نینگ ایچیده یوز بیرگن جنجال عاقبتیده اولگن لیگینی" بیان ایتگن ایدی.