تورکیه سوریه ده قتتیق بیر قیرغین گه مانع بولدی
اوشبو دایره ده اوروپا بیرلیگی تورکیه گه منتدارچیلیک بیلدیردی
اوروپا بیرلیگی نینگ تشقی ایشلر و خوفسیزلیک سیاست لری بوییچه عالی نماینده سی موگرینی, سوچی کیلیشووی بیلن سوریه نینگ ادلب ولایتیده آتش کسین نی تامین ایتگن لیگی و ینگی بیر قیرغین گه مانع بولگن لیگی اوچون تورکیه و روسیه گه منتدارچیلیک بیلدیرگن لیک لری نی معلوم قیلدی.
نیویورکده بیرلشگن ملت لر تشکیلاتی 73 نچی عمومی کینگشی ییغیلیش لری دایره سیده بولیب اوتگن "اوروپا بیرلیگی میزبانلیگیده گی سوریه بحرانی" ییغیلیشیده معروضه قیلگن فدریکا موگرینی, سوریه ده اوروش نینگ اداققه ییتمه گن لیگی نی بیلدیررایکن, اوشبو اوروش لر بیلن هیچ بیر تامان نینگ موفق بولمیدیگن لیگی نی بیلدیردی.
سوریه خلقی نینگ اینگ کتته قیین چیلیککه دوچ کیلیب قالگن لیگی نی بیلدیرگن موگرینی, تینچ لیک نینگ تامین ایتیلیشی اوچون بیرلشگن ملت لر تشکیلاتی ییتکچی لیگیده سیاسی مذاکره لرنینگ عملگه آشیریلیشی کیره ک ایکن لیگی نی معلوم قیلدی.
موگرینی, "تورکیه بیلن روسیه نینگ کیلیشیب آلیشی آرتیدن ادلبده ینگی بیر قیرغین حادثه سی نینگ توسیق لنگن لیگی اوچون جوده خرسند بولدیک. تورکیه و روسیه گه اوشبو سعی و حرکت لری اوچون اوز منتدارچیلیک لری میز نی بیلدیره میز" دییه قید ایتدی.
