ترامپ تورکیه نی مَقته دی

امریکا قوشمه ایالت لری دولت رهبری دونالد ترامپ, تورکیه نینگ سوریه نینگ ادلب ولایتیده تینچ لیک نینگ تامین ایتیلیشی بوییچه سعی و حرکت لری توغریسیده بحث ایترایکن, "تورکیه کوپ یخشی. تورکیه, بیز بیلن همکارلیک قیلدی" دییه قید ایتدی.

ترامپ اوشبو مطلب نی نیویورکده ترتیب له گن کینگ کولملی مطبوعاتی کنفرانسی جریانیده بیلدیردی. 

ادلبده, قیرغین بولمه گن لیگی سببلی خرسند بولگن لیگی نی بیلدیرگن ترامپ, "سوریه رژیمی میلیونلب کیشی نی اولدیرر ایدی. بو ایسه جیرکنچ بیر نرسه بولر ایدی.  شونی ایتیشیم کیره ک: تورکیه نینگ کوپ فایده سی تیکدی. تورکیه کوپ یخشی. تورکیه اوشبو خصوصده بیز بیلن همکارلیک قیلدی" دییه قید ایتدی. 

سپتامبر آیی نینگ 17 نچی کونیده تورکیه جمهوریتی جمهوررئیسی رجب طیب اردوغان روسیه نینگ سوچی شهری گه قیلگن رسمی سفری جریانیده روسیه دولت رهبری ولادیمیر پوتین بیلن ادلب ده تینچ لیک نینگ تامین ایتیلیشی خصوصیده کیلیشیب آلدی. 

ترامپ توناوکون هم بیرگن بیاناتلریده ادلبده تینچ لیک نینگ تامین ایتیلیشی بوییچه حصه قوشگن لیگی سببلی تورکیه و روسیه گه منتدارچیلیک بیلدیرگن ایدی.