ایندی تورک تاجر لرنینگ ویزه سیز روسیه گه سفر قیلیش لری ممکن
اوشبو مطلب نی تورکیه تشقی ایش لر وزیری بیلدیردی
تورکیه جمهوریتی تشقی ایشلر وزیری مولود چاووش اوغلی, بولیب اوتگن 10 نچی سفیر لر کنفرانسی جریانیده ایلچی لر گه قره ته معروضه قیلدی.
چاووش اوغلی تورک تبعه لریدن ویزه طلب ایتمس لیک لری خصوصیده روسیه تشقی ایش لر وزیری سرگی لاوروف بیلن بولیب اوتگن اوچره شوو جریانیدن بحث ایتگن لیک لری نی بیلدیررایکن, "سرمایه دارلر و رسمی پاسپورتی بولگن کیشی لر دن روسیه ویزه طلب قیلمیدی. سرمایه دارلر و لاری هیداوچیلری میز دن ویزه طلب قیلمسلیکلری خصوصیده روسیه بیلن کیلیشیب آلدیک" دییه قید ایتدی.
چاووش اوغلی, اوشبو کیلیشوو نی قربان هییت بیره می آرتیدن ایککی اولکه هیئت لری اورته سیده گی مذاکره لر کیتیدن تطبیق ایته باشلیدیگن لیک لری نی بیلدیردی.
عینی دمده چاووش اوغلی تورک تبعه لری نینگ ویزه سیز سفر قیلیش لری اوچون باشقه اولکه لر بیلن هم مذاکره لر آلیب باریاتگن لیک لری نی ایسله تیب اوتدی.
