تورکیه ده رهبرلر سیلاو دایره سیده رای بیردی
تورکیه ده جمهوررئیس لیگی و پارلمانی سیلاو لر بولیب اوتماقده
تورکیه جمهوریتی پارلمانی باشلیغی اسماعیل قهرمان انقره ده چانکایا باشلنغیچ مکتبیده رای بیردی.
قهرمان تاریخی بیر سیلاو بولیب اوتیاتگن لیگی نی بیلدیررایکن, "خلق قنده ی رای بیرسه شونده ی بوله دی" دییه قید ایتدی.
تورکیه جمهوریتی باش وزیری بنعلی ییلدیریم ازمیر ولایتیده رای بیردی.
رای بیریب چیقیشی آرتیدن بیرگن بیانات لریده ییلدیریم, "رایی میز نی بیردیک. وظیفه میز نی اجرا قیلدیک. ملتی میز و وطنی میز اوچون خیرلی بولیشی نی تمنی ایته من. اوشبو سیلاولر دایره سیده جمهوررئیسی و همده پارلمان وکیل لری نی سیله ی میز. ینگی سیستم بیلن تورکیه آیدین کیله جک تامان برقرار و ایشانرلی بیر شکلده اوز حرکتی نی دوام ایتتیره دی" دییه قید ایتدی.
جمهوریت خلق حزبی نینگ رهبری کمال قلیچداراوغلی انقره ده رای بیردی.
قلیچدار اوغلی ایسه, رای بیریب چیقیشی آرتیدن بیرگن بیاناتلریده حاضرچه تورکیه ده سیلاو لر دایره سیده هیچ قنده ی بیر قیین چیلیک نینگ موجود ایمس لیگی نی معلوم قیلدی.
جمهوریت خلق حزبی نینگ جمهوررئیس لیگی کاندیدی محرم اینجه تورکیه نینگ یالووا ولایتیده رای بیردی.
اینجه, "وطن و ملت اوچون اینگ یخشی سی قیسی بولسه, او بولسین" دییه قید ایتدی.
بویوک بیرلیک حزبی رهبری مصطفی دسته جی انقره ده رای بیردی.
دسته جی, "بو آقشام سیلاو نتیجه سی نینگ ملت نینگ اراده سی نی عکس ایتتیره دیگن لیگی گه ایشانه من" دییه قید ایتدی.
"یخشی" حزبی رهبری مارال آقشَنَر تورکیه نینگ استانبول ولایتیده رای بیردی.
رای بیریب چیقیشی آرتیدن بیرگن بیاناتلریده آقشنر, "خیرلی بولسین" دییه قید ایتدی.
ملیتچی حرکت حزبی باشلیغی دولت باغچه لی انقره ده رای بیردی.
باغچه لی, "تینچ و ایشانرلی بیر شرایطده بولیب اوته دیگن سیلاو بیلن تورکیه ده ینگی بیر دور باشلَیدی" دییه قید ایتدی.
