تورکیه ده ترور تشکیلاتی گه قره ته عملیات اویوشتیریلماقده

تورکیه نینگ حقاری ولایتیده بولووچی ترور تشکیلاتی پی کاکا جنگریلری تامانیدن یولگه اورنه تیلگن ماین نینگ عسکری قطار اوته یاتگن پیتده انفجار ایتیشی عاقبتیده 4 عسکر یره لندی.

حقاری والی لیگی تامانیدن بیریلگن بیاناتده، توناون آقشم کیچقرون ساعت 21:00 اطرافیده چقورجه تومنیدن مرکزگه قره ب کیته یاتگن عسکری قطار اوتیش پیتیده منفجره موادنینگ پارتلب کیتگنی بیلدیریلدی.

موضوع بیلن تیگیشلی عدلی تیکشیروو باشله تیلگن لیگی معلوم قیلیندی.

باشقه تاماندن آغری تاغیده هوایی کوچلر حمایه سی بیلن آلیب باریلگن عسکری عملیاتده 5 تروریست یوق قیلیندی.

آغری والی لیگیدن بیریلگن بیاناتده، آغری تاغیده ژاندارم تامانیدن هوایی کوچلر حمایه سی بیلن آلیب باریلگن عسکری عملیات نینگ دوام ایتیب تورگن لیگی بیلدیریلگن.

مذکور بیاناتده؛

"آلیب باریلگن هوایی عملیات نتیجه سیده، F-16 حربی اوچاقلر بیلن 6 – جون ساعت 22:55 ده مملکت گه کیریب کیلگن لیکلری تثبیت ایتیلگن بولووچی ترور تشکیلاتی اعضاسی 5 کیشی یوق قیلیندی" دیب ایتیلگن.