اشرف غنی تلفن آرقه لی جنرال دوستم بیلن صحبت قیلدی
اوشبو اوچره شوو دایره سیده دوستم نینگ افغانستانگه تشریف بویوریشی توغریسیده بحث ایتیلگن
افغانستان جمهوررئیسی محمد اشرف غنی تلفن آرقه لی بیرینچی اورینباسری سترجنرال عبدالرشید دوستم بیلن اوچره شدی.
اوشبو مطلب نی افغانستان جمهوررئیسلیگی بیرینچی معاونیتی دفتری بیلدیردی.
افغانستان جمهوررئیسلیگی بیرینچی معاونیتی دفتری رئیسی عنایت الله بابر فرهمند بیرگن بیاناتلریده, جمهوررئیسی غنی نینگ تورکیه گه قیلگن سفری دایره سیده تلفن آرقه لی دوستم بیلن اوچره شیب اونینگ افغانستانگه تشریف بویوریشی خصوصیده صحبت ایتگن لیگی نی معلوم قیلدی.
بیراق فرهمند, دوستم نینگ قچان افغانستانگه تشریف بویوره دیگن لیگی توغریسیده انیق معلومات بیرمه دی.
عینی دمده فرهمند, جمهوررئیسی غنی نینگ ایککینچی مراتبه تلفن آرقه لی اورینباسری بیلن اوچره شگن لیگی نی ایسله تیب اوتدی.
اوشبو موضوع بیلن علاقه لی جمهوررئیسلیگی دفتری تامانیدن ایسه حاضرچه هیچ قنده ی بیر بیانات بیریلگن ایمس.
