ایردوغان فرانسه ده قرآنکریم اوچون نشر قیلینگن اعلامیه نی محکوم ایتدی
ایردوغان عدالت و توسعه حزبی نینگ تورکیه بویوک ملت مجلسیده گی گروپ جلسه سیده موضوع بیلن تیگیشلی گپیردی.
تورکیه جمهور باشلیغی رجب طیب ایردوغان، فرانسه ده قرآنکریم گه قرشی اعلامیه ترقیتیلگن لیگینی محکوم ایتدی.
ایردوغان عدالت و توسعه حزبی نینگ تورکیه بویوک ملت مجلسیده گی گروپ جلسه سیده صحبت قیلدی.
ایردوغان، فرانسه ده ایسکی جمهور رئیس نیکولاس سرکوزی داخل توپلم 300 کیشی نینگ امضاسی بیلن نشر قیلینگن "قرآنکریم نینگ ایچیدن بعضی بیری آیتلرنینگ چیقریلیشی کیره ک" دیگن اعلامیه نی محکوم ایتدی.
ایردوغان جنابلری؛
"فرانسه ده بیر قطار بی منطقلر قرآنکریم دن بعضی بیر آیتلرنینگ چیقریلیشی توغریسیده اعلامیه صادر قیلگن. بولر اوز مقدس کتابلری بولمیش انجیل، طورات، زبورنی اوقیگنلر می؟ اگر اوقیگن بولسه لر مذکور کتابلرنینگ هم منع قیلینیشینی خواهله یدیلر" دیدی.
جمهور باشلیغی؛
"غرب گه ایته من. سیز بیزنی مقدس کتابیمیزگه تیل - قول اوزه تسنگیز هم بیز سیزنی مقدس کتابلرینگیزگه قول – تیل اوزه تمه ی میز. سیز قنداغ بیزنینگ مقدس کتابیمیزگه تیل – قول اوزه ته سیز؟ بیز سیزنینگ قنداغ پست بولگن لیگیزنی یخشی بیله میز.
