استانبول اعلامیه سی و بیت المقدس

برچه هوشدار لر گه قره مسدن, امریکا قوشمه ایالت لری دولت رهبری دونالد ترامپ بیت المقدس نی اسرائیل پایتختی اوله راق تن آلدی.  ترامپ نینگ اوشبو قراری آرتیدن اسلام همکارلیک تشکیلاتی حاضرگی دور باشلیغی بولگن ترکیه نینگ دعوتی گه بناً استانبولده بیر ییغیلیش اوتکزدی.  بوگون اوشبو ییغیلیش نینگ منطقه گه قالدیره دیگن تاثیری باره سیده بحث ایته میز عزیز دوست لر. 

ترامپ نینگ بیت المقدس نینگ اسرائیل پایتختی اوله راق قبول قیلینیشی بیلن علاقه لی قرار نی امضا قیلیشی آرتیدن ترکیه نینگ دعوتی گه بناً استانبولده اسلام همکارلیک تشکیلاتی رهبرلر ییغیلیشی بولیب اوتدی.  اوشبو ییغیلیش نینگ اداغیده اشغال آستیده گی شرقی بیت المقدس نینگ فلسطین نینگ پایتختی اوله راق اعلان ایتیلگن لیگی بیلدیریلگن بیر اعلامیه ترقه تیلدی.  شونده ی قیلیب اسلام همکارلیک تشکیلاتی قوریلگن کونیدن بیری  ایلک مراتبه ترکیه نینگ دوره ای ریاستی دوریده اینگ مهم قرار نی امضاله گن بولدی.  اوشبو قرار دایره سیده اسلام همکارلیک تشکیلاتی بیرینچی مرته, بو طریقه کوچلی بیر شکلده فلسطین نی حمایه له دی.  فلسطین دولت رهبری محمود عباس نینگ اوشبو ییغیلیش بیلن علاقه لی بیرگن بیاناتلریده, "موفقیت گه سبب بولگن نادر بیر ییغیلیش" دییه قید ایتگن لیگی خودی منه شوو ادعا نینگ اثباتی دن عبارت. 

استانبولده بولیب اوتگن رهبر لر ییغیلیشی و اعلامیه سی بیلن اسلام دنیا سی, بیت المقدس مسئله سی بوییچه بیر یقه دن باش چیقارگن لیگی نی کورسه تیب بیرگن بولدی.  اوشبو دایره ده ترکیه جمهوریتی جمهوررئیسی رجب طیب اردوغان نینگ هم رولی نی ایسدن چیقارمس لیک کیره ک.  جمهوررئیسی اردوغان و ترکیه نینگ تشبث لری نینگ بولمسلیگی تقدیرده اسلام همکارلیک تشکیلاتیده بو طریقه بیر همفکر لیک نینگ مطرح بولیشی ممکن ایمس ایدی.  جمهوررئیسی اردوغان, بیت القمدس مسئله سی نی فقط گینه اسلام عالمی نینگ ایمس, بلکه بشریت نینگ مسئله سی دن عبارت ایکن لیگی نی بیلدیریب کیلماقده.  اوشبو دایره ده بیرلشگن ملت لر تشکیلاتی خوف سیزلیک کینگشی قرار لری گه بناً کینگ کولملی بیر سیاست آلیب بارماقده. 

اسلام همکارلیک تشکیلاتی نینگ استانبولده بولیب اوتگن ییغیلیشی نینگ اداغیده ترقه تیلگن اعلامیه ده امریکا قوشمه ایالت لری نینگ بیت المقدس نی اسرائیل پایتختی اوله راق اعلان ایتیشی نینگ بیرلشگن ملت لر تشکیلاتی قرار لری گه ضد ایکن لیگی بیلدیریلماقده.  اوشبو دایره ده, امریکا خودی منه شوو قراریدن وازکیچیش گه دعوت ایتیلماقده.  عینی دمده باشقه دولت لرنینگ هم امریکا نینگ قراری کبی بیر قرار آلیش گه انتیلمس لیک لری طلب ایتیلماقده.  خودی منه شوو اعلامیه ده شرقی بیت المقدس فلسطین پایتختی اوله راق اعلان ایتیلدی.  "شرقی بیت المقدس" سوزی نینگ اوزی ایسه اسلام عالمی اولکه لری نینگ ایککی دولت لیک ییچیم یولی گه طرفدار ایکن لیگی نی کورستماقده. عینی دمده اوشبو اعلامیه ده برچه دولت لر شرقی بیت المقدس نی فلسطین پایتختی اوله راق تن آلیش گه چقیریلماقده.  بوندن تشقری اوشبو اعلامیه ده, بیرلشگن ملت لر تشکیلاتی نینگ هم زود لیک بیلن مسئولیت لری نی بجا کیلتیریشی, بیت المقدس نینگ حقوقی موقفی نی انیق لشتیریشی, فلسطین توپراق لری نینگ اشغال ایتیلیشی نی توخته تیشی, فلسطین خلقی نینگ خلق ارا مقیاسده مدافعه ایتیلیشی اوچون زمینه یره تیشی و فلسطین مسئله سی بیلن علاقه لی برچه قرار لری نی تطبیق ایتیشی طلب ایتیلماقده. 

استانبولده بولیب اوتگن اسلام همکارلیک تشکیلاتی ییغیلیشی آرتیدن فلسطین بیلن اسرائیل آره سیده گی مسئله نینگ ایککی مستقل دولت نینگ قوریلیشی شکلیده ییچیلیشی توغری سیده خلق ارا مقیاسده کینگیش بیر توافق نینگ بحث موضوعی بولگن لیگی کورینماقده.  بونده ی بیر امید موجود ایکن, ترامپ بیلن اسرائیل باش وزیری ناتانیاهو نینگ تشبث لری اوشبو مسئله نی ینه ده چَلکَش بیر وضعیت گه کیلتیرماقده. 

استانبولده گی ییغیلیشده آلینگن قرار لر, اسرائیل بیلن فلسطین آره سیده گی معما نینگ حل ایتیلیشی بوییچه تاریخی بیر اهمیت گه ایگه قرار لر دن عبارت.  اوشبو قرار لرنینگ حمایه ایتیلیشی منطقه ده تینچ لیک نینگ اورنه تیلیشی جهتی دن اوته مهم اهمیت گه ایگه. اولکه لرنینگ مذهب سببلی بیر بیر لری بیلن اوروشیش دن واز کیچیش لری منطقه ده تینچ لیک نینگ زود لیک بیلن تامین ایتیلیشی اوچون زمینه یره ته دی. 

استانبولده بولیب اوتگن ییغیلیش اسلام همکارلیک تشکیلاتی نینگ ایلک مراتبه بو طریقه کوچلی بیر شکلده فلسطین نی حمایه له گن لیگی نی کورستماقده. عینی دمده بیرلشگن ملت لر تشکیلاتی و خلق ارا حقوق نینگ قانونی امکانیت لری گه اشارت ایتیلماقده.  استانبولده بولیب اوتگن ییغیلیش نینگ اعلامیه سی بیلن فلسطین مسئله سی باشقه چه بیر بُعد کسب ایتماقده.  اوشبو ییغیلیش, اسلام جغرافیه سیده گی قیین چیلیک لر گه قره مسدن, مسلمان اولکه لرنینگ بیر یقه دن باشق چیقاریش کوچی گه ایگه ایکن لیگی نی کورسه تیب بیردی. 

برچه اسلام عالمی و خلق ارا جامعه  تامانیدن قبول ایتیلیتگن لیگی سببلی, استانبولده گی ییغیلیش نینگ اینگ مهم نتیجه سی نینگ شرقی بیت المقدس نینگ فلسطین پایتختی اوله راق اعلان ایتیلیشی دن عبارت بولگن لیگی نی اویله ماقده من. اوشبو قرار بیلن عینی دمده ترامپ نینگ بیت المقدس نی اسرائیل پاپتختی اوله راق قبول ایتیشی هم اعتبار سیز بیر وضعیت گه کیلدی.  اوشبو ییغیلیش نینگ ینه بیر اینگ مهم قراری ایسه, ایندی امریکا نینگ اسرائیل بیلن فلسطین آره سیده گی مسئله بوییچه واسطه چیلیک ایتیشی نینگ ممکن ایمس لیگی نینگ بیلدیریلگن لیگی و تینچ لیک پروسه سی اوچون ینگی بیر میکانیزم نینگ نظرده توتیلیشی دن عبارت.

استانبول ییغیلیشی و اعلامیه سی اسلام دنیا سی بیلن بیرگه خلق ارا مقیاسده منطق و موازنه لر ده جدی بیر اوزگریش نینگ بحث موضوعی بولیشی نینگ ممکن ایکن لیگی نی کورسه تیب بیرگن وضعیتده.  بونده ی جدی بیر اوزگریش نینگ تیز وقتده بولیشی ممکن ایمس البته که.  کیله جکده جدی بحران لر نینگ یوز بیریشی احتمالی نینگ موجود ایکن لیگی نی هم ایسدن چیقارمسلیک کیره ک.  نتیجه ده اسلام عالمی ترکیه ایتکچیلیگیده کوچلی بیر سیاست آلیب باردی.  بیراق, خودی منه شوو کوچلی حرکت دن کیین انیق قدم لرنینگ هم تشله نیشی نینگ ضروری ایکن لیگی سببلی, اوشبو سیاست نینگ قنده ی بیر نتیجه گه سبب بوله دیگن کیین چه لیک معلوم بوله دی.