ترکیه ده اوز وطندار لری نینگ پوللرینی تارتیب آلگن افغان لر اوشلندی
اوشبو کیشیلر و اورتاق لری تورت نفر افغانستان تبعه سی نینگ پوللری نی آرتیب آلگن ایدی
ترکیه نینگ تیکیرداغ ولایتی چورلو اولسواللیگیده 4 نفر افغانستان لیک نی ایش بیلن تامینلش وعده سی بیلن چقیریب پوللرینی تارتیب آلگن لیک لری بیلدیریلگن اوچ کیشی اوشلندی.
خودی منه شوو اوچ کیشی دن بیر نفری نینگ افغانستان لیک ایکن لیگی بیلدیریلدی.
آلینگن معلومات لر گه کوره, اوتگن کونی افغانستان تبعه سی محمد, استانبولده یشیتگن افغانستان لیک عبدالغنی گه قونگغراق قیلیب چورلوده ایش امکانیتی نینگ موجود ایکن لیگی نی بیلدیررایکن, ینه اوچ کیشی نی یانی گه آلیب چورلو گه کیلیشی نی طلب ایتگن.
اوشبو طلب دایره سیده عبدالغنی ینه اوچ نفر افغانستان لیک بیلن استانبولدن تیکرداغ ولایتی نینگ چورلو اولسواللیگی گه بارگن.
محمد ایسه, اولر نی بیر موتر گه میندیریب اولسواللیک نینگ جوده هم اوزاق و بوش بیر جایی گه آلیب بارگن.
خودی منه شوو ییرنینگ اوزیگه ایسه باشقه بیر موتر بیلن دوغوش, حسن و افغانستان تبعه سی اکرام اسم لری گه ایگه ینه اوچ کیشی کیلگن.
محمد و اورتاق لری, موتر دن توشیرگن عبدالغنی و اونینگ بیلن بیرگه کیلگن افغانستان لیک محمد, وحید و محمد اسم لری گه ایگه کیشی لرنینگ قوللریده گی پوللری, موبایل لری و پاسپورتلری نی تارتیب آلیب قاچیب کیتگن.
حادثه آرتیدن استانبولدن کیلگن تورت افغانستان تبعه سی ایسه پولیس گه باریب حادثه نی توشینتیریب بیرگن.
شونده ی قیلیب پولیس تامانیدن اویوشتیریلگن موفقیتلی بیر عملیات نتیجه سیده دوغوش, حسن و افغانستانلیک محمد اوشله نیب قماقخانه گه یوباریلدی.
اوشلنگن باشقه بیر افغانستان لیک دن عبارت اکرام ایسه قویب یوباریلدی.
