اردوغان ترامپ گه هوشدار بیردی
اردوغان ترامپ گه بیت المقدس خصوصیده هوشدار بیردی
ترکیه جمهوریتی جمهوررئیسی رجب طیب اردوغان, بیت المقدس نینگ مسلمان لرنینگ هیچ بیر شکلده واز کیچیشی نینگ ممکن بولمه گن بیر جغرافیه دن عبارت ایکن لیگی نی بیلدیردی.
جمهوررئیسی و عدالت و توسعه حزبی نینگ رهبری رجب طیب اردوغان, حزبی نینگ ترکیه جمهوریتی پارلمانیده گی ییغیلیشی جریانیده معروضه قیلدی.
امریکا قوشمه ایالت لری دولت رهبری دونالد ترامپ نینگ بیت المقدس نی اسرائیل پایتختی اوله راق قبول ایته دیگن لیگی گه تیگیشلی خبر لرنینگ ترقه تیلگن لیگی نی ایشیتگچ جوده خفه بولگن لیگی نی معلوم قیلگن جمهوررئیسی اردوغان, "حرمتلی ترامپ, مسلمان لرنینگ بیت المقدس دن واز کیچیش لری هیچ بیر شکلده ممکن ایمس. اوشبو وضعیت نینگ حتی بیز نینگ اسرائیل بیلن بولگن دیپلماتیک مناسبت لری میز نی توخته تیب قویشی میز گه هم سبب بولیشی ممکن. امریکا گه ینه بیر مرته هوشدار بیره میز. بونده ی بیر اقدام قیلیشینگیز ممکن ایمس. امریکا قوشمه ایالتلری باشقه ایش لر نی قیلسین. امریکا داعش گه قرشی کوره ش نی تکمیل قیلدی می؟" دییه قید ایتدی.
اسلام همکارلیک تشکیلاتی نینگ حاضرگی دور باشلیغی صفتیده, اوشبو موضوع نی تعقیب ایته دیگن لیک لری نی بیلدیرگن اردوغان, اوز سوز لری نی, "بونده ی بیر ایش بولیشی تقدیرده, بیش کونده استانبولده اسلام همکارلیک تشکیلاتی رهبر لر ییغیلیشی نی اوتکزه میز" شکلیده دوام ایتتیردی.
