تورکیه و آلمان جمهور رئیس لری ملاقات اوتکزدیلر
تورکيه جمهور رئیسی رجب طیب ایردوغان آلمان جمهور رئیسی فرانک والتر اشتاین مایر بیلن تیلفونده ملاقات قیلدی.
بو حقده جمهور رئیسلیک مطبوعات خدمتی معلومات بیردی.
معلوماتگه کوره، ملاقات چاغیده اوّلا تورکيه - جرمني مناسبتلری محاکمه قیلیندی.
سونگره، تورکيه، روسيه و ایران جمهور رئیسلری نینگ سوچیده بولیب اوتگن اوچ تامانلمه اوچره شووی نینگ تفصیلاتلری حقیده فکر المشدی.
سوريه نینگ کیلجگی و اونینگ تمامیت ارضینی سقلب قالیش جریانینی محاکمه قیلگن ایکّی دولت رهبری سوريه ده بیرلشگن ملتلر تشکیلاتی نظارتیده وطنداشلر نینگ برچه سینی اوز ایچیگه آلگن ایرکین، شفّاف سیلاولرنی تشکیل قیلیشگه اعتبار قره تدی.
ایردوغان بیرلشگن ملتلر تشکیلاتی خوفسیزلیک کینگشی نینگ 2254-سانلی قراریده نظرده توتیلگنیدیک، سوريه خلقی باشچیلیگیده عدالتلی سیاسي جریاننی حیاتگه تطبیق ایتیشگه کتّه اهمیت بیره دی.
ایردوغان نینگ تأکیدلشیچه، سوچیده اوتکزیله دیگن ملي ملاقات کنگره سی ژنیو مذاکره لری نینگ دوامی بولیب قالمه یدی، عینِ پیتده اونینگ کمچیلیکلرینی تولدیرووچی اهمیتگه ایگه بوله دی.
بوندن تشقری، ایکّی دولت رهبری تورکيه- آلمان مناسبتلرینی هم کوزدن کیچیرر ایکن، اوز ارا علاقه لرنی ینه ده یوقاری درجه‌گه کوتریش نینگ اهمیتیگه اعتبار قره تدی.
بو جهتدن ایکّی دولت رهبری بی واسطه تشبث آلیب باریشگه کیلیشیب آلدی.
