ایردوغان قطرده گی تورک عسکرلرنی باریب کوردی
تورکيه جمهور رئیسی رجب طیب ایردوغان قطرگه سفری چاغیده قطرده خدمت آلیب باره یاتگن تورک عسکرلری بیلن اوچره شدی.
او ییرده‌گی تورک عسکرلری نینگ شرایطی بیلن تنیشگن ایردوغان: «برچه نگیزگه تورکيه دن کتّه سلام آلیب کیلدیم. تورک خلقی نینگ دعالری سیز بیلن بیرگه»،دیدی.
«قطرده‌گی قهرمان عسکرلریمیزدن امیدیمیز شوکه، حربي وظیفه‌نگیزنی اجرا ایتر ایکنسیز، سیوگی و حرمت بیلن قطر خلقی نینگ قلبیدن جای آلینگ»،دیدی تورکيه جمهور رئیسی رجب طیب ایردوغان.
جمهور رئیس نینگ تأکیدلشیچه، قطر تورک عسکری اوچون اوزگه دولت ایمس.
قطرده خدمت قیلگن تورک عسکری اوزگه یورتلرده ایمس، بلکه اوز قرداشلری نینگ وطنیده خدمت قیله‌یاتگنینی تیلگه آلگن ایردوغان: «سیزلر غرب دولتلری نینگ باشقه دولتلرده خدمت قیله یاتگن عسکرلریگه اوخشه مه یسیز. چونکه، سیز نینگ بو ییرده خدمت قیلیشینگیزنینگ یگانه سببی دوستلیک، تینچلیک-فراوانلیک و خوفسیزلیکنی تأمینلش دیر»،دیدی.
تورکيه و تورک خلقی نینگ یوزینی یاروغ قیلگن تورک عسکرلریگه موفقیتلر تیله‌گن ایردوغان: «سیزلرنی قوللب قوّتله‌گن و کیره کلی شرایطلرنی یره تیب بیرگن قطرلیک دوستلریمیزگه منّتدارلیک بیلدیره من. کورفز منطقه‌سیده و بوتون دنیاده روی بیره یاتگن ناتینچلیکلرنینگ برطرف ایتیلیشینی الله دن سورب قاله‌من. ربیم بیزنی برچه قرداشلریمیز بیلن بیرگه، تینچ-تاتوو یشش بختیگه میسر قیلسین. ربیم بیزلرنی هر قنده‌ی بلا- قضالردن، خطر‌لرده اوزی اسره سین!»، دیدی.
