انقره ده بیر افغان قتتیق یره لندی

ترکیه جمهوریتی پایتختی انقره ده کانالیزاسیون اوچون حفریات ایش لری نینگ آلیب باریلیتگن پیتده بیر جای اویلیب کیتدی. 

نتیجه ده اوشبو منطقه ده کتته بیر چقور پیدا بولدی.  خودی منه شوو چقور نینگ ایچی گه ایسه اوشبو ییرده ایشچی بولگن بیر افغان کیردی.

اوشبو افغان ایشچی نینگ چقور گه کیریشی آرتیدن اوستی گه توپراق توشیب کیتدی.    

خودی منه شوو حادثه انقره ولایتی نینگ چانکایا اولسواللیگی آیرانجی منطقه سیده کانالیزاسیون سیستمی اوچون قیلینیتگن حفریات فعالیت لری جریانیده یوز بیردی.

اوشبو کانالیزاسیون اوچون حفریات ایش لری بوییچه ایسه ایککی نفر افغان ایشله ماقده ایدی. 

محمد مرادی اسمی گه ایگه افغان ایشچی لر دن بیری چقور نینگ ایچی گه کیرگن پیتده کوپ مقدارده توپراق اوستی گه توکیلیب کیتدی. 

شونده ی قیلیب مرادی نینگ باشیدن تشقری وجودی نینگ همه جایی توپراق نینگ تگیده قالیب کیترایکن, شهر دار لیک مسئول لری ایسه اوشبو افغان ایشچی نی چقوردن چیقاردی. 

محمد مرادی امبولانس بیلن کسلخانه گه انتقال ایتتیریلدی. ایککینچی افغان ایشچی دن عبارت نظرالله علی زاده ایسه, "محمد گه بونده ی قیلمه دیدیم. بیراق او گپیم گه قولاق سالمی چقور گه کیردی. شونده ی قیلیب اوستی گه توپراق توشیب کیتدی" دییه قید ایتدی. 

اوشبو حادثه انقره پولیسی تامانیدن تیکشیریله باشلَندی.