چاووش اوغلی: دینلرگه هجوم قیلیش اورنیگه ترور نینگ اساسي سببی بیلن آیدیولوژیسینی برطرف قیلیش کیره ک
بیرلشگن ملتلر تشکیلاتی نینگ ترورگه قرشی کوره ش جلسه سیگه صحبت قیلدی
تورکيه تشقی ایشلر وزیری مولود چاووش اوغلی، دینلرگه هجوم قیلیش اورنیگه ترور نینگ اساسي سببی بیلن آیدیولوژیسینی برطرف قیلیش کیره کلیگینی ایتدی.
چاووش اوغلی، بیرلشگن ملتلر 72. عمومي کینگشی دایره سیده نیویورکده اوتکزیلگن ترورگه قرشی کوره ش جلسه سی نینگ 8. وزیرلر ییغیلیشیده سوزگه چیقدی.
چاووش اوغلی، "داعش و بونگه اوخشش باشقه ترور تشکیلاتلرینی یوق قیلیش اورنیگه مسلمانلر و اسلامگه هجوم قیله یاپتیلر. میانمارده قول اورولگنلر اوچون بودیزم یاکه بودیستلرنی عیبلب بولمه یدی. دینلرگه توخته لیش اورنیگه ترور نینگ سببی و آیدیولوژیسینی یوق قیلیش کیره ک" دیدی.
چاووش اوغلی، ترورگه قرشی کوره شیش اوچون بیر ترور تشکیلاتیدن کمک آلیب باشقه ترور تشکیلاتینی یوق قیلیب بولمسلیگی گه دقّت قره تیب، سوزلرینی قوییده گیچه دوام ایتتیردی: "ترور تشکیلاتلری نینگ آیدیولوژی لرینی یوق قیلیش کیره ک. اساسن اروپا، اروپا پارلمانی، اروپا بیرلیگی اعضاسی دولتلرده مارکسیزم، کومنیزم کبی مفکوره گه ایگه بولگنی اوچون اولرنی حمایه قیلگن سیاسي حزب و سیاستچیلر موجود. مینیم هیچ قَیسی ایدیولوژیگه قرشیلیگیم بولمه دی، لیکن فقط سیز بیلن مفکوره داش بولگنی اوچون بیر ترور تشکیلاتینی حمایه قیلیشینگیز ناتوغری. اروپاده اَیریم سیاستچیلر نینگ ترور تشکیلاتی پی کاکانی قوللب- قوّتله گنینی کوره‌یاپمیز" دیب افاده ایتدی.
چاووش اوغلی، TMKF نینگ تورکيه گه ترورگه قرشی کوره شیده مهم رولی بولگنینی و تورکيه نینگ هم اوشبو پروگرامده مالیوي جهتدن حصه قوشیب فعال بولیشگه دوام ایتیشینی هم افاده ایتدی.
