ایردوغان، بیرلشگن ملتلر تشکیلاتی نینگ کینگشیده رهبرلرگه خطاب ایتدی
جمهور رئیس رجب طیب ایردوغان عراق نینگ کرد منطقوي اداره سینی ینه بیر بار، 25- سپتمبر کونی مستقللیک اوچون اوتکزماقچی بولگن رفراندومدن واز کیچیشگه چقیردی.
ایردوغان، نیورکده گی بیرلشگن ملتلر تشکیلاتی نینگ 72- کینگشیده اشتراکچی رهبرلرگه خطاب ایتدی. اوز خطابیده عراق نینگ کرد منطقوي اداره سی نینگ رفراندوم توغریسیده قبول قیلگن قراری نینگ منطقه ده ینگی تینچسیزلیکگه یول آچیشی ممکنلیگینی تأکیدله‌گن ایردوغان، «تورکيه نینگ بو باره ده‌گی انیق و قطعي مناسبتینی کورمسلیک که آلیشلیک، عراق نینگ کرد منطقوي اداره سینی قولده بار امکانیدن هم محروم قیله دیگن بیر جریانگه ییته کلب قوییشی ممکن» دیب آگاهلنتیردی.
ایردوغان، 6 ییلدن بیری ایچکی اوروش بیلن آلیشگن سوريه خلقینی خلق ارا جميعت یالغیز قوییشیگه قره‌مه ی تورکيه نینگ بو معمانی حل قیلیش اوچون بوتون سیاسي و انساني سعی -حرکتنی کورسه تگنلیگینی قید ایتدی. تورکيه نینگ بو توپراقلرده جان سقله گن 3 میلیون سوريه لیک بیلن 200 مینگ عراقلیککه میزبانلیک قیلگنلیگینی ایسله تگن جمهور رئیس ایردوغان، اولر اوچون صرفلنگن پول مقداری نینگ 30 میلیارد امریکا قوشمه ایالتلری دالری ایکنلیگینی، لیکن اروپا بیرلیگی نینگ یاردم بیریش توغریسیده‌گی وعده سی نینگ اوستیدن چیقمه گنلیگینی افاده له دی.
ایردوغان، «3.2 میلیون مهاجر نینگ یوکینی تورکيه نینگ ییلکه سیگه یوکلب قویگن دنیا نینگ برچه دولت و خلق ارا تشکیلاتلرنی، بیرگن وعده لرینی بجریشگه چقیره من» دیدی.
کورفزده، 5- جوندن بیری دوام ایتگن معماگه هم توخته لگن جمهور رئیس، قطر خلقیگه نسبتاً کیریتیلگن چیکلاولرنینگ برطرف قیلینیشی کیره کلیگی گه اعتبار قره تیب، کویت نینگ کورفزده‌گی موجود معمانی حل قیلیشده‌گی اورتمچیلیگینی ایسه قوللب -قوّتله گن لیگینی قید ایتدی.
میانمارنینگ آراکان ولایتیده گی مسلمانلر دوچ قالگن وضعیتنی هم اونوتمه گن ایردوغان، خلق ارا جمعیتنی بو فاجعه آلدیده هم جیم قالگن لیگی گه اشاره قیلدی.
تورکيه نینگ بو معمانی حل قیلیش اوچون هم چاره کورگن لیگینی بیان ایتگن ایردوغان، عایله اعضالری بیلن بعضی دولت وزیرلری نینگ آراکانلیک مسلمانلر حالیدن، اولر پناه کیلتیرگن بنگلدیشده‌گی کمپلرگه باریب خبر آلیب قیتگن لیگینی، اولرگه انسانی یاردم ییتکزیب بیریش اوچون دولت و نادولت تشکیلاتلرنینگ بیر یاقه دن باش، بیر یینگدن قول چیقرگن لیگینی قید ایتدی.
ایردوغان، «بو معما حل قیلینمه گودیک بولسه اونده آدمگرچیلیک تاریخیگه ینه بیرته قاره صحیفه علاوه ایتیله دی» دیدی.
جمهور رئیس ایردوغان اوز سوزینی، «کوزلریمیز نینگ رنگی قنده‌ی بولیشیدن قطعي نظر، کوز یاشلریمیزنینگ رنگی بیر خیل» دییه تمامله دی.
